【深圳按摩2026】嚴選21間港人北上深圳熱門按摩店！ 福田、羅湖、龍華、南山按摩水療大全

>>>【深圳好去處 2026】10 個東門一日遊食買玩攻略，旅遊景點、商場、按摩及美食懶人包

>>>深圳美食2026 17間不能錯過的人氣餐廳推介：喜茶、牛肉火鍋、串燒、酸菜魚

>>>深圳美食2026 返大陸必吃！10大深圳美食餐廳推薦，自助餐、燒烤、cafe一網打盡

>>>【深圳親子好去處 2026】20+ 人氣深圳親子必去推介 主題樂園／滑雪場／室內遊樂場／博物館

香港去深圳

(註：以上信息為參考可能會有變動，具體以門店爲準；週末或公眾假期前往，價格通常會上調。)

講到水立方，港人即時聯想到的可能唔係北京奧運會嘅游泳館，而係位於深圳嘅同名水療中心——水立方。

水立方係香港人最常去嘅深圳按摩場之一，建築規模係深圳可謂係首屈一指，共佔6層，有超過300間按摩房和各式水療設施。

另外，水立方之所以咁受港人歡迎，原因之一係因為佢夠方便！由福田口岸步行前往水立方只需10分鐘，就算係第一次黎深圳按摩嘅朋友們亦唔洗擔心迷路，佔盡地利之宜~

作為首推嘅深圳按摩場所，水立方環境乾淨，氣氛優雅，佢嘅王牌——水療spa更係口碑爆棚，專業技師以經驗豐富同埋輕柔手法為你驅散一身疲勞。入邊娛樂設施齊全，你可以約同親朋好友按摩後再係私人KTV房內歡唱高歌，享受愉快週末！

地址：深圳福田區福田口岸港城華庭裙樓

交通：落馬洲過關後，步行約10分鐘

如果你想要特別少少嘅按摩體驗，咁同樣位於落馬洲福田口岸附近嘅東方園亦係一個唔錯的選擇！

東方園係深圳呢幾年來人氣急升嘅按摩店。整體裝潢新淨，為賓客無限供應水果同嘢飲，適合成家人一同前來放鬆身心，情侶亦可以一同前來充電。

東方園嘅技師手法嫻熟，服務人員嘅態度亦不俗，係週末不可多得嘅好去處。不過要請注意嘅係，東方園非常受歡迎，顧客眾多，週末繁忙時段輪侯時間可能較長，建議大家提前預約，以免要排好耐隊啦~

地址：深圳福田區金田南路文化中心2009號

交通：乘坐深圳地鐵到福民站，再步行3分鐘

Photo: Instagram@aleishayanheidi

東方棕泉國際會所係香港東方棕泉桑拿有限公司旗下嘅連鎖按摩會所。會所採用泰式裝修風格，使用大量木質陳設，最適合喜歡去泰國揼骨嘅揼骨發燒友。店內充滿泰式風情，到標誌性的芭蕉林、蓮花池、檀木佛像等隨處可見。據店內每一件擺設和裝飾品均來自泰國。東方棕泉與水立方一樣，是一個綜合性的會所，即提供按摩養生服務，又係娛樂休閒嘅好去處，最適合週末鬆一鬆~

地址：深圳市福田區福強路金港豪庭

交通：乘地鐵4號線至金港豪庭

Photo:Instagram@brandnewjan0907

同樣位於福田區嘅水上明珠國際會所雖然距離口岸較遠，但有專車接送顧客來往皇崗口岸同按摩會所，係另一個方便快捷嘅選擇。水上明珠國際會所具備非常實惠嘅價錢同極高嘅性價比，只需88元就可以享受到足足90分鐘嘅中式按摩！加上專業的技師和完善的配套設施，咁抵玩仲去邊度搵？

地址：深圳市福田區福強路雲頂翠峰二期

交通：

（1）會所提供往返皇崗口岸與會所的專車接送服務，抵達口岸後可直接致電會所安排。

（2）乘搭地鐵至福民站（7號線）、皇崗口岸站（7號線）或福田口岸站（4號線/10號線），出站後轉乘計程車或步行前往。

Photo: Instagram@zeani

位於崗廈站呢間樂 SPA ·按摩研究所由泰國知名按摩品牌 Let's Relax 代理，主打各國唔同按摩手法，提供泰國、尼泊爾、日本、峇里島等國家嘅按摩。最舒服嘅當然係泰式按摩喇，店內招牌項目都係泰式按摩，按摩師技術手法非常正，身體每個部位都可以得到充足放鬆！

地址：福田區崗廈社區福華路 348 號卓越中心西區 L4 層 L401-L402

交通：深圳地鐵崗廈站出口步行約 200m

想試下花瓣浴就要到卓悦中心嘅瑾樂·療愈 Original Spa ，主打高奢宮廷風嘅瑾樂環境非常復古，燈光設計感十足，比人一行入店內就感覺放鬆舒緩。泰式泡泡浴，大浴缸加上玫瑰花瓣牛奶的組合，儀式感十足！亦或係中式中藥浴都令人神氣為之一振！按摩師的手法力度都非常好，北上深圳值得到這裡享受下生活儀式感！

地址：福田街道崗廈社區福華路336號崗廈城E座3001

交通：地鐵崗廈站出口步行約 200m

從福田口岸信步即達，湯崎・湯泉生活係好多港人北上放鬆首選。呢座五層樓高嘅水療殿堂，以四萬平方米嘅寬闊空間迎接風塵僕僕的旅客。館內規劃井然，超過三百間按摩房確保私密，而分設嘅男女湯池、溫泉同汗蒸房，係專人引導下更顯安心。對於初次來訪嘅朋友，潔淨舒適嘅環境可以令人卸下心防。沉浸在不同溫度的湯池中，讓暖流促進血液循環，徹底舒緩緊繃的肌肉與壓力。

地址：深圳市福田口岸國花路港城華庭裙樓一層至五層

交通：走出福田口岸海關大樓後，往右手邊直行，過馬路即可到達國花路的港城華庭裙樓（湯崎所在地）。

精油開背＋中式推拿係慢慢生活館嘅招牌療程。按摩師運用手掌、手指嘅精準力道，作用於經絡穴位，唔單止可以效舒筋活絡，更可從根本加速新陳代謝，恢復身體機能平衡。而備受推崇嘅 「熱石·全身精油舒壓」 ，係一場溫潤的感官之旅。結合溫熱嘅能量石同芳香精油，透過細膩手法使熱力同植物精華直透肌理，促進體內能量流動，有效驅除寒氣同毒素。呢個療程能深度鬆弛緊繃的神經同肌肉，特別推薦比長期感到肌肉僵硬、痠痛、體寒及四肢循環不佳嘅顧客。

地址：福田區福華路海鹰大厦八楼8A

交通：乘搭深圳地鐵至 崗厦站（1號線或10號線），從 A出口 步行約數分鐘即可到達。

如果要介紹深圳按摩場所，就不得不提羅湖區嘅皇室假期。皇室假期係另一個深受港人歡迎嘅深圳按摩場所之一，內裡寬敞，空間感十足，翻新後更有氣派，盡顯「皇室假期」嘅「皇室氣派」。皇室假期集揼骨、桑拿、水療於一身，還為賓客提供各式水果，適合一家大細一同前來遊玩，係週未充電嘅另一首選地點。

地址：：深圳市羅湖區春風路2040號金色都匯負1至5樓

交通：搭乘地鐵至 9號線「向西村站」，由 C出口 步行約 1 至 3 分鐘即可抵達

Photo: Instagram@mmmyooo

係深圳擁有 8 間分店嘅森 SPA 係羅湖擁有三間分店，最方便抵達嘅就係位於國貿西南大廈嘅國貿店啦！店內隨處可見的綠化讓人心情變得愉悅，店面裝潢不輸大型連鎖按摩店，按摩師手法剛柔並濟，力度始終，能夠讓身體得到充足放鬆。呢間店亦是當地人熱門之選，如果要來最好預先預約！

地址：深圳羅湖區南湖街道人民南路 3009 號新安大廈 6 層 A1

交通：地鐵 1/3 號線老街站 C 出口步行約 550m

大家千企唔好比「深圳太平洋休閒超市」呢個名所誤導。呢所超市位於萬象城及東門商業圈附近嘅羅湖區黃金地段，佢並不是你們所諗嘅百貨市場，而係可以一次過滿足你按摩、水療、吃喝、玩樂多個願望嘅一站式休閒會所；係遠近聞名嘅深圳老牌按摩店。深圳太平洋休閒超市深諳「按摩之道」—— 知道再出色嘅按摩技法都需要舒適的環境，先可以令賓客完全放鬆身心。因此，深圳太平洋休閒超市嘅設計師係改建按摩會所時可謂煞費苦心，務求打造出能華麗輝煌又不失古樸文雅嘅優雅空間，提供無可比擬嘅舒適體驗！

地址：深圳市羅湖區嘉賓路太平洋商貿大廈負1至4樓

交通：

（1）地鐵1號線國貿E出口出站，步行約5分鐘

（2）乘坐巴士至金城大廈，步行約4分鐘

廣益子桑拿中心位於羅湖口岸附近，儘管裝修較為老舊，但整體環境尚算整潔，地點方便之餘價格實惠，1小時專業中式按摩只需約58元，消費達一定金額還可享采耳、修腳、耳部按摩、頸部刮痧等服務額外服務，非常划算。除此之外，店內還提供足球直播、棋牌遊戲等休閒娛樂服務，亦提供多元化的飲食選擇，可謂是糧尾手緊時嘅理想之選。

地址：深圳市羅湖區和平路羅湖口岸交通樓8樓

交通：抵達深圳羅湖口岸後，前往交通樓搭乘電梯直上8樓即可。

高踞大眾點評SPA排行榜榜首嘅「泋HUI SPA」絕對係行家首選。一步入店內，濃厚嘅泰式風情同淡雅嘅精油香氛便迎面而來，瞬間將您帶入異國度假情境。為確保賓客的極致隱私與體驗，館內所有按摩房皆配備獨立衛浴。專業按摩師以純熟技法，為您帶來原汁原味的泰式古法舒壓。療程結束後，店家更會貼心奉上地道的芒果椰汁糯米飯作為甜點，為這場感官饗宴畫上完美句點。

地址：深圳市羅湖區寶安南路1036號鼎豐大廈505-510室

交通：搭乘深圳地鐵2號綫到大劇院站F出口

^{(圖片來源: Instagram@ hana____tw)}

坐落於羅湖口岸附近嘅「密 SPA 休閒會所」，打破傳統水療中心嘅刻板印象，以簡約文青風打造療癒空間 —— 溫潤燈光搭配質感裝潢，比人一踏入便遠離塵囂。會所提供多樣化放鬆體驗，包含舒緩身心的泰式按摩、調理經絡的中式按摩，以及淨化肌膚嘅桑拿服務，满足唔同需求。​更貼心嘅係，會所實行24 小時全天候營業，無論係深夜抵港想即時放鬆，還定係規劃長時間休憩，都可以隨時光臨；亦可提早預約房間過夜，享受不受打擾嘅私人時光。

地址：深圳市羅湖區田貝四路水田二街翠竹酒店一樓

交通：搭乘深圳地鐵7號線至洪湖站D出口，步行5分鐘

日日返工睇電腦，放工玩手機，搞得一身頸緊腰酸背痛係唔係你嘅寫照？如果係，咁就一定要來龍華區嘅漢宮養生坊了。漢宮養生坊，店如其名，採用中式風情洋溢的漢風嘅裝潢，係現代建築傳達出漢文化嘅美。你可以係咁樣清淨簡單嘅環境中，享受唔同嘅特色中醫理療項目，例如踩背和刮痧等，保證能將你嘅疲勞一掃而空。中醫養生嘅必試項目非拔火罐莫屬，呢度嘅火罐係配合多種名貴中藥進行嘅天然竹罐，可以祛風保濕，提高免疫力。

地址：深圳市龍華區中環路中環閣

交通：乘坐4號線地鐵至龍華站，步行約2分鐘

Photo: Instagram@fungfung_dindin_bluemonday

「瑾樂・療愈」打破常規 SPA 嘅框架，以獨特嘅洞穴主題驚艷登場！走入店內，精緻華美嘅裝潢瞬間抓牢目光 —— 暖光色調溫柔鋪陳，搭配充滿東南亞風情嘅擺件同質感材質，彷彿闖入一座神秘又浪漫嘅地底洞穴，每個角落都佈滿巧思，隨手一拍都是網美級打卡照，讓療癒從視覺開始。​

除咗吸睛嘅環境，服務體驗同樣滿分！呢度不僅有放鬆肌肉嘅經典按摩，更有備受追捧嘅儀式感花瓣浴—— 新鮮花瓣鋪滿溫泉般嘅浴湯，伴隨淡淡嘅香氣，徹底釋放身心壓力。

體驗結束後，店鋪仲貼心準備咗精緻小食與溫潤茶水，補充能量嘅同時延續舒適感。​無論係想逃離都市喧囂尋求靜謐，定係追求新穎打卡體驗，呢間兼具美感同實用性嘅洞穴 SPA 都能滿足你，體驗感直接拉滿！

地址：深圳市龍華區民治街道長順路龍光玖鉆北區3B座1305（紅山地鐵站6979商場旁）

交通：深圳地鐵4/6號線到紅山站B出口步行6分鐘

坐落於龍華壹方天地附近嘅「山隱 SANIN」，以日式簡約風打造都市中嘅靜謐角落！走進店內，無繁複嘅裝飾，僅憑素淨色調、質感傢俱與柔和燈光，營造出溫馨舒適嘅氛圍，讓人一踏入便能卸下工作嘅緊張感，瞬間沉澱心神。​

除了療癒的環境，店鋪嘅服務項目更精准切合都市人嘅需求！無論係想深層放鬆嘅精油 SPA、驅寒暖身嘅東南亞熱石 SPA，定係促進循環嘅淋巴淨排 SPA，都能全方位照顧身心；尤其針對平日久坐辦公室嘅朋友，特別推出「臀部 SPA 按摩」，有效緩解久坐帶來的肌肉緊繃，幫助釋放局部壓力。

地址：深圳市龍華區松和社區龍華大道 3698 號澤華大廈 1 號廳 12 樓 1211 室（廣發銀行樓上）

交通：

阿奇拉湯泉生活完美融合養生、娛樂與美食，為您提供一站式嘅高品質度假體驗。呢度擁有專業嘅按摩師團隊，無論您偏愛經典嘅中式按摩、舒緩嘅香薰理療，亦或係針對頭肩頸與足部嘅深度放鬆，皆能為您量身打造，徹底釋放壓力。更令人驚喜的係，係享受專業服務之餘，您仲可暢享24小時不限量供應的=嘅新鮮水果與特調飲品。場內更設有多元娛樂設施，如沉浸式潛水體驗、趣味夾公仔及精緻美甲服務，比您從身體療癒到心靈愉悅，享受充實的一整天。

地址：深圳市南山區桃園路田廈國際中心 AB 棟 2-3 層

交通：

享有「深圳SPA界愛馬仕」美譽嘅COMFY 舒悦·療愈SPA，致力於純粹嘅身心靈療癒之旅。呢度提供一系列精心設計嘅療程，從深層放鬆嘅全身精油按摩、空靈洗滌嘅頌缽音療，到淨化能量嘅喜瑪拉雅鹽療，皆旨在引導您釋放壓力、淨化身心。門店堅持透明消費，所有療程不設硬性小費與服務費，令顧客可以全然沉浸於當下，享受無負擔的極致呵護。

地址：深圳市南山區粵海街道文心五路33號海岸城購物中心五層501-4

交通：深圳地鐵2/11/13號線后海站E出口步行10分鐘

行遍商圈腳痛浮腫？位於南山區嘅「湫橡泰式按摩 SPA」就係你嘅解乏天堂！呢間主打泰式體驗嘅 SPA 館，從踏入店門開始就充滿驚喜 —— 裝潢滿載泰國特色，無論係藤編飾品、佛像擺件定係暖調燈光，都完美還原東南亞嘅悠閒氛圍，搭配清幽嘅環境與高私隱度嘅獨立空間，令人瞬間遠離街頭喧囂，身心徹底放鬆。

地址：深圳市南山區后海大道天利中央商務廣場A座三樓312鋪

交通：深圳地鐵2/11/13號線后海站D1出口步行10分鐘

以為深圳按摩店只有中式按壓？位於萬象天地附近嘅「櫚・古法泰式按摩・SPA」，打破刻板印象，帶來原汁原味的泰式療愈！選址超便利，逛完商圈步行即達，無論係週末閒逛後的放鬆，定係專程前來紓壓，都省去奔波麻煩，地理位置優勢拉滿。​走進店內，濃郁的傳統泰式氛圍撲面而來 —— 精緻的木雕裝飾、華美的紗幔、點綴其間嘅鮮花與香薰，搭配柔和的泰式音樂，每一处細節都充滿儀式感，彷彿一秒穿越到泰國當地的高端 SPA 館，讓放鬆從視覺與聽覺同步開啟。

地址：深圳大道大冲商務中心A座14樓1406

交通：深圳地鐵1號線高新園地鐵站B出口步行3分鐘

聽落咁方便咁抵玩，即刻返深圳玩返個Weekend啦！

想去遠啲？咁不如去西九搭高鐵—🎶Take a midnight train going anywhere！🎤

返中國內地玩嘅其中一個吸引之處在於價錢夠彈性，豪遊窮遊任君選擇。即上Trip.com 優惠代碼大全，用至抵價錢去一場抵上加抵嘅旅程！

深圳自由行懶人包

【深圳美食】

【深圳景點】