【深圳好去處2026】返大陸必玩！10大深圳玩樂好去處推薦，景點、娛樂設施、項目體驗一文睇清！

⭐️深圳日系水療～$130包三餐仲要過夜🤩

作家：@熱愛旅行的社畜妹妹

#中國內地景點 #深圳遊 #親子好去處 #境外遊 #深圳按摩 🛁水療：深灣金玉池（鴻昌廣場店） ♥收工先決定去深圳，返到去都夜晚11點🕚book 酒店好似好蝕咁，所以決定喺水療到過夜☺️我哋喺樂園路食完宵夜，行過去5分鐘左右👍🏻 ♥入到去大堂登記已經要除鞋，成間水療除咗廁所有拖鞋，其餘都係光腳行🙈不過原來都幾乾淨🤭同三年前嘅去過水療有唔同，多咗好多娛樂設施，因為唔係個個都鍾意按摩㗎嘛😂 ♥入到女賓部都係換衫沖涼，基本上講得出嘅日用品都有，入面有好大個浴池，冇帶泳衣都唔緊要，有一次性紙胸圍同紙底褲供應👙到吹頭嘅時候，兩位職員好積極服待我，仲幫我吹頭，所以我都俾咗¥20貼士😎 ♥我本身好中意按摩，所以我買既套餐係¥230，除左包單人24小時淨桑+三餐自助餐，仲送兩個大堂服務，我揀咗按頭肩（45mins)同埋按腳（45mins)，最重要係呢個套餐寫到明免簽小費，套餐本身嘅價錢已經包咗😱 ♥一開頭都諗緊按完摩之後，技師會唔會逼我簽小費🧐點知佢淨係叫我簽名，然後同我講：「美女，你的套餐包了，所以不用簽小費☺️」呢方面值得一讚👍🏻 ♥不過如果你想上房休息，就要每人消費滿¥399先可以，如果消費唔夠就只可以喺大堂休息，張梳化櫈可以較平，都幾淋幾舒服，只不過隔離嘅鼻鼾聲可能比較大🥹 ♥瞓到朝頭早10點左右，就去鹽浴房再休息吓，打吓卡，大概11:58就即刻沖去排隊拎自助餐，食物不過不失，都係炒河、炒飯、菜、鴨、湯等等，最好食係皮蛋瘦肉粥😂 ♥食完一餐自助餐就走喇，下一餐係晚餐同宵夜，可以逗留喺水療24小時，不過我地就唔留lu 😗 ★溫馨提示： ✦如果唔慣光腳行，記得喺女賓/男賓部問職員拎一次性襪🧦 ─────────────── 評分 ：（🌕🌕🌕🌕🌕)最高 乾淨程度：🌕🌕🌕🌕 性價比 : 🌕🌕🌕🌕 食物質素：🌕🌕🌕 服務質素：🌕🌕🌕🌕 方便程度：🌕🌕🌕🌕 整體評分：🌕🌕🌕🌕 ─────────────── 💰價錢：兩人總共¥ 360(經大陸團購網） 🛁套餐：單人24小時淨桑+自助餐（三餐） 🛁套餐：單人24小時淨桑+自助餐（三餐）+大堂服務兩項 📍地址：東門街道深南東路2001號鴻昌廣場2樓 🚇交通：深圳地鐵9號綫文錦站D出口

查看原貼文

⭐️哈利波特主題密室🪄（含劇透）你可以成功逃脫嗎？😎

作家：@熱愛旅行的社畜妹妹

#中國內地景點 #深圳遊 #境外遊 #親子好去處 #travel 🪄娛樂：逃脫反斗城原創劇情密室（深圳旗艦店） ♥之前喺香港玩過密室， 貴得黎之餘，又唔好玩😢今次見到深圳有呢個哈利波特主題，見佢評價又幾高，又可以帶電話入去影相，所以就嚟試吓🤭 ♥基本上由頭到尾我都冇嘢可以挑剔，真心超高質，由職員講解去到最尾，我都覺得佢哋好好服務👍🏻👍🏻👍🏻一開始佢會有劇本比我哋去了解呢個故事，之後就會帶我哋去著魔法袍，然後就講解魔法棒點樣用🪄有咩注意事項等等🤓 ♥我哋喺第一關已經停留咗25分鐘，本身個套餐係預1小時，但係職員都冇嫌我哋慢🥹仲比提示我哋，唔會直接講答案俾我哋聽，都係想我哋自己破解🤩 ♥成個密室都有好多機關，真係會郁個啲，唔係單純搵到鎖匙開門就算🔑真係加入咗好多哈利波特嘅元素，呢個密室仲會播片，例如：冥想盆/分類帽等等，絕不馬虎👍🏻令你有畫面有故事。 ♥最後我哋總共用咗1小時30分鐘先成功逃脫，仲有一本小冊子，解釋返啱啱破解嘅故事程序，等你知道自己係點樣成功逃脫，仲會每人送一個紀念品💸職員超有耐性，超詳細，我應該以後每返一次深圳就玩一個故事😆😆😆 ★溫馨提示： ✦如果真係諗唔到，有對講機可以問職員拎提示🎙 ✦我之前玩香港嗰個密室得45分鐘，最後都係諗唔到點玩，然後個職員一次過入嚟話返晒答案俾我知，跟住就拿拿林開門比我走☹️香港嗰啲真係千祈唔好去，又貴又差😤😤😤 ─────────────── 評分 ：（🌕🌕🌕🌕🌕)最高 性價比 : 🌕🌕🌕🌕🌕 推薦行程：🌕🌕🌕🌕🌕 整體評分：🌕🌕🌕🌕🌕 ─────────────── 💰價錢：每人¥78 🕰️營業時間：10:00-01:30 📍地址：深南東路百貨廣場大廈東座商住樓21樓2101室 🚆交通：深圳地鐵老街站C出口

查看原貼文

⭐️深圳都有雪玩⛄️有真冰屋、雪地滑梯😎

作家：@熱愛旅行的社畜妹妹

#中國內地景點 #境外遊 #深圳遊 #炎夏好去處 🪄娛樂：冰雪世紀 ♥東門嘅核客電玩城，打造到成幢東門町歡樂城，可以喺呢度玩一日👍🏻不過呢個冰雪世紀我就麻麻哋，如果冇見過落雪嘅朋友可以去體驗吓😆 ♥正價入場¥88一人，要另加¥35借裝備，有大褸、頭套連頸巾🧣手襪🧤鞋套，不過我哋當日係平日，所以會有個優惠，¥108包冰雪世紀入場同埋卡丁車🏎️仲話唔洗加錢借裝備比我地☺️ ♥入面溫度係-15度，我無戴手套拎電話影相，所以都幾凍，如果玩滑梯就最好帶返手襪，好容易整到凍傷🥲入面嘅打卡位，比較老土尷尬😂所以我都係玩咗幾轉滑梯同埋雪地旋轉就出返嚟🙈 ♥仲有個雪地場可以砌吓雪人，打雪仗，不過地下嘅雪唔多，同埋嗰個彈弓嘅橡筋係流流地，所以都掉唔到雪球🥺 ♥入場不限時間，不過如果留到一個鐘都幾勁，因為入面都幾悶😂不過¥108包埋玩卡丁車都算係咁😆當體驗吓❄️ ★溫馨提示： ✦平日去無咩人，好似包場咁😛同埋有套餐會抵啲👍🏻 ─────────────── 評分 ：（🌕🌕🌕🌕🌕)最高 性價比 : 🌕🌕🌗 推薦行程：🌕🌕🌕 整體評分：🌕🌕🌕 ─────────────── 💰價錢：套餐¥108（包冰雪世紀+卡丁車） 🕰️營業時間：12:00-22:00 📍地址：深南東路百貨廣場中庭東門町歡樂城5樓L501 🚆交通：深圳地鐵老街站C出口

查看原貼文

⭐️深圳版速度與激情🏎無牌駕駛都可以😂

作家：@熱愛旅行的社畜妹妹

#中國內地景點 #深圳遊 #親子好去處 #travel 🪄娛樂：極速卡丁 ♥平日去都幾多人等緊，如果唔買套票要收¥88都幾貴🙈由於每場有限車，所以要排隊等玩，不過現場有好多梳化同櫈，每張枱都有手遊，所以唔怕悶🤭 ♥雖然只有15分鐘，有5分鐘係講解，但係其實揸幾分鐘都好夠👍🏻一開始好驚唔識玩，好彩有職員講解，可以體驗下速度與激情🏎 ♥場內賽道比較窄，超唔到車，不過啲彎位揸得快都做到飄移效果😆 ♥場內裝修幾靚，霓虹燈、塗鴉嗰啲都整得幾有feel👍🏻 唯一扣分係本來應該有兩層可以玩，不過當日其中一層緊急維修，所以冇得試吓上坡落玻🥲 ★溫馨提示： ✦鍾意賽車嘅朋友一定要試，因為香港玩好貴要二百幾蚊，記得平日黎買套票👍🏻 ─────────────── 評分 ：（🌕🌕🌕🌕🌕)最高 性價比 : 🌕🌕🌕🌕🌗 推薦行程：🌕🌕🌕🌕🌗 整體評分：🌕🌕🌕🌕🌗 ─────────────── 💰價錢：套餐¥108（包冰雪世紀+卡丁車） 🕰️營業時間：13:00-22:00 📍地址：深南東路百貨廣場中庭東門町歡樂城4樓 🚆交通：深圳地鐵老街站C出口

查看原貼文

⭐️深圳運動好去處～核客運動嘉年華🏇🏻🚣🏻

作家：@熱愛旅行的社畜妹妹

#中國內地景點 #深圳遊 #親子好去處 #境外遊 🪄娛樂：核客運動嘉年華 ♥由於成幢都變做歡樂城🎪梗係要逐樣試下啦😂不過咁樣玩法消費都幾高💸呢個場 ¥168雙人任玩，超多運動項目，其實就係全部運動遊戲機放埋一齊😛 ♥保齡球、騎馬、射槍都無咩特別，就好似喺冒險樂園玩咁，VR項目都係過山車之類主題，不過以¥168黎講算係咁，因為香港呢個價錢冇可能玩到😂😂😂😂😂 ★溫馨提示： ✦VR 項目較抵玩，不過如果唔買套票，單玩一項都40個幣，可自行衡量😉 ─────────────── 評分 ：（🌕🌕🌕🌕🌕)最高 性價比 : 🌕🌕🌕 推薦行程：🌕🌕🌕 整體評分：🌕🌕🌕 ─────────────── 💰價錢：雙人任玩¥168 🕰️營業時間：12:00-22:00 📍地址：深南東路百貨廣場中庭東門町歡樂城2樓 🚆交通：深圳地鐵老街站C出口

查看原貼文

深圳園博園

作家：@Mr Ryan Travel

今次Uncle同大家介紹下深圳園博園，作為一個好鐘意行公園嘅Uncle，係深圳旅行果時發掘過好多唔同嘅公園，呢個係其中一個！ 園博園嘅由來係因為之前舉辦過園藝博覽會，舉展完之後就免費開放俾人參觀，位置就係華僑城隔離，由地鐵站行過去都只係十幾分鐘路程。同香港嘅九龍公園之類嘅大公園唔同，園博園嘅綠化做得仲好仲靚！因為樹木真係太多太密，影相唔開閃光燈真係會好暗，空氣又極好，好適合一家大細黎行下！ #境外遊 #郊外好去處

查看原貼文

深圳圖書館，大師作品

作家：@DH 2022

#2023旅行願望 深圳圖書館，位於深圳市福田區福中一路（靠近市民中心地鐵站），總建築面積近5萬平方米，是深圳市政府投資興建的集大眾化、數位化及研究型為一體的大型現代化公共圖書館，是“文化深圳”的重要城市名片和標誌，2018年被評定為國家一級圖書館。 圖書館的內部建築設計最為特別，室內頂部由不規則銀色柱子組成，遠觀如樹木，所以也稱它是深圳的「銀樹」。頂部則是三維玻璃的曲面，每塊玻璃的面積都不同，將立方體和格子體融入到現代設計中。這是日本後現代主義建築大師磯崎新的作品。 旅行願望：中國黃山/宏村

查看原貼文

文青必去「仙湖植物園」深圳

作家：@MsChow

推介郊遊文青必去位於深圳市羅湖區東郊的蓮塘仙湖路「仙湖植物園」🌵🌵 2007年被國家旅遊局評為國家“AAAA”級風景區，交通便利，只距離羅湖火車站大概半小時不到的車程.地理位置10分方便.😆😆 全園分為天上人間景區、湖區、廟區、沙漠植物區、化石森林景區和松柏杜鵑景區等六大景區。而hit打卡位就係「沙漠植物區」📸️🌵🤩 📍 廣東省深圳市羅湖區蓮塘仙湖路160號 （深圳水庫東側） 🚉搭地鐵到「黃貝嶺站」黃貝嶺站D出口，搭bus 220或382路前往「仙湖植物園站」 #炎夏好去處

查看原貼文

打卡深圳寶安圖書館

作家：@DH 2022

#綠色旅遊#綠色生活 🍃🍃深圳市寶安區圖書館，位於寶安區寶興路（寶安核心區中央綠軸帶），是廣東省一級圖書館，總建築面積4.8萬平方米，其中圖書館面積3.7萬平方米。 🍃🍃寶安圖書館，獲得了國家二星級綠色建築設計標識認證，是國內第一個獲得由政府投資建設的二星級綠色建築的圖書館項目。專案旨在最大限度地節約資源（節能、節地、節水、節材），保護環境和減少污染，為寶安市民提供健康、綠色和舒適的讀書和學習空間。 🍃🍃“綠色建築”並非指一般意義上植被的“綠色”，而是象徵對環境無害，充分利用環境自然資源，在不破壞環境及生態平衡條件下建造的建築。據悉，在寶安圖書館的施工圖抽查環節，要求使用綠色再生建材，在節能驗收環節，重點核查了圖書館使用綠色再生建材的落實情況，最終獲得了評審團隊的充分肯定。 🍃🍃另外，寶安圖書館還採用了“慧還書”智慧分揀還書系統，也是全國首個將綠色物流分揀技術運用到圖書分揀中的科技派，減少人工，高效節能，妥妥的綠色科技。 🍃🍃當然其建築外立面也是一大特色。圖書館前方有一個方形水池，波光粼粼的池面與波浪形的建築外立面相輝映，達到一種如夢似幻效果，還是非常驚豔的，值得來看看。 🍃🍃詳細地址：深圳寶安區寶興路1號（寶華地鐵站D出後，步行約200米） 🍃🍃開放時間：週二至周日9:00-12:00及14:00-17:00，週一關閉 🍃🍃門票費用：免費，無須預約，但週末人流較多，如果要進去看書，記得提前去拿位

查看原貼文