【台北一日遊2026】30+個台北精選打卡熱點大公開！人氣行程路線、交通攻略、住宿推介一篇睇晒即刻出發！

除了介紹的台北景點！Trip.com 先推薦你超好玩的台北景點，讓你天天不無聊！

✨ 光影藝術展 ✨ 最沉浸的展覽體驗🔥新藝術運動，體驗跨界藝術之美，預購票開放中🖼️

✨ 國家地理女性經典影像展 ✨ 一覽全球女性的多樣性和魅力 🔥 限時 95 折，活動至 4/6 止

適合親子的台北行程：

適合情侶的台北行程：

適合長輩的台北行程：

「翠玉白菜」同「肉形石」咁出名，點可以唔去打個卡？台北故宮收藏咗超過萬件歷代文物，包括青銅器、書畫、瓷器、玉器等等，成個館睇足成日都睇唔晒！展覽定期更新，每次嚟都有新驚喜。

📍地址：台北市士林區至善路二段 221號

🕒 開放時間：星期日～四 08:30 - 18:30｜星期五、六延長至 21:00

🚇 搭捷運去士林站（R16），再轉紅30、815、255號巴士到達

去過台北但未上過101觀景台？絕對走寶！特別推介「Skyline 460 空中漫步體驗」，可以登上101樓戶外平台，飽覽整個台北景，風景勁震撼！活動會繫上安全裝備，好玩又放心～不過記住唔好戴帽或者鬆身配件，怕俾風吹走！

📍地址：台北市信義區信義路五段7號 89樓

🕒 開放時間：10:00 - 19:00

🚇 捷運「台北101/世貿站」直達

唔好以為酒店淨係得房住同食飯，原來地下仲藏住「西密道」，以前係秘密逃生通道，仲有全世界最長嘅水泥滑梯！而家終於開放比人入去參觀，絕對係一個冷門又特別嘅歷史景點。

📍地址：台北市中山區中山北路四段1號

🕒 時段需參照圓山飯店官方網站

🚇 捷運「圓山站」落車後步行至接駁車站，搭免費接駁巴士直達

帶小朋友去旅行，點可以少得兒童新樂園？交通方便又唔貴，每個設施只係NT$30起跳，買一張一日券玩盡全園更抵玩！推薦俾親子家庭，絕對開心放電一日！

📍地址：台北市士林區承德路五段55號

🕒 開放時間：09:30 - 17:00

🚇 捷運「劍潭站」轉乘公車 41、紅30、兒樂2號線直達

假日唔想諗行程？直接去台北動物園就搞掂！有超多可愛動物陪你度過愉快一日，仲會不定期舉辦夜間探險、動物野餐等活動，唔止睇動物咁簡單，仲可以學到好多自然知識！

📍地址：台北市文山區新光路二段30號

🕒 開放時間：09:00 - 17:00

🚇 捷運「動物園站」1號出口

想搵個靚景又有啲浪漫feel嘅地方？碧潭就啱哂！除咗踩天鵝船、行吊橋，仲可以上山行和美山步道。打卡＋放鬆＋放電，一舉三得！情侶、家庭都啱行程～

📍地址：新北市新店區新店路

🕒 全日開放

🚇 捷運「新店站」出站即到

想親親大自然？陽明山絕對係唔二之選。春天有花季，秋冬有溫泉，行山睇風景啱晒鍾意郊遊嘅你。唔想太操勞嘅話，可以選輕鬆路線，好似擎天崗、冷水坑溫泉等等。

📍地址：台北市北投區竹子湖路

🕒 全日開放

🚇 捷運「劍潭站」轉搭小15號公車直達

（圖/台北旅遊網）

台北最大型嘅自然森林公園，因為生態資源好豐富，又有「台北小溪頭」之稱。行喺度唔止可以睇到內雙溪流水同奇形怪狀嘅岩石，仲可以感受到多變嘅自然景觀，真係chill到爆。

📍地址：台北市士林區至善路三段150巷27號

🕘開放時間：逢星期四至二 9:00～16:00

🚍交通方式：

（圖/台北旅遊網）

位於基隆河同淡水河交界位，呢度本來係人造出嚟嘅灘地，但勝在自然景色超靚，一公頃都唔夠大，不過釣魚、影相、睇風景嘅人就唔少，係台北市內少有嘅寧靜之地。

📍地址：台北市士林區延平北路九段

🕘開放時間：全天候開放

🚍交通方式：

（圖/台北旅遊網）

館內珍藏咗接近五千件台灣民間工藝品，仲會唔定期搞展覽表演。而且佢附設嘅怡然居，食物水準高，有懷石料理同下午茶，睇完展可以慢慢嘆。

北投文物館唔止係博物館，更加似一座凝住咗時間嘅日式古屋。建於1921年，前身係高級溫泉旅館「佳山旅館」，經歷時代洗禮，成為歷史見證。館內嘅書院風建築風格保存得好好，木格窗、雕花拉門都散發職人手工味。陽光照落嚟，木地板發出聲響，感覺寫意又懷舊。

📍地址：台北市北投區幽雅路32號

🕘開放時間：逢星期二至日 10:00～18:00

🚍交通方式：捷運北投站落車，轉小25或230公車喺「北投文物館」站落。或者捷運去新北投站，喺光明派出所前面搭230，一樣到站。

（圖/台北旅遊網）

位處內湖山區，周圍群山環抱，附近仲有白石湖吊橋、濕地同古厝，啱晒假日行山、呼吸下新鮮空氣，仲可以影靚相。

📍地址：台北市內湖區碧山路38號

🕘開放時間：全天開放

🚍交通方式：搭捷運到內湖站，行去內湖路二段轉搭小2巴士，到「碧山路口」或者「石崁」站落車就得。

信義區唔單止有台北101，仲係掃街天堂！唔同類型嘅食肆、商場、精品店一應俱全。日頭可以血拼，夜晚仲有街頭表演，氣氛好熱鬧，適合放工飲返杯散吓心。

📍秘境推薦：碧山巖開漳聖王廟

喺內湖區碧山尖峰頂，視野開揚，天氣好時成個台北景色都盡收眼底，打卡一流！

📍地址：台北市內湖區碧山路24號

🕘開放時間：全天開放

🚍交通方式：搭捷運至內湖站，再轉小2巴士到碧山巖站落車。

（圖/台北旅遊網）

以前係酒廠，而家變身做文青集中地，有展覽、音樂、藝術活動應有盡有，遇着落雨唔想戶外行程嘅話，嚟呢度hea一日都冇問題。

📍地址：台北市中正區八德路一段1號

🕘開放時間：全天開放

🚍交通方式：搭捷運至忠孝新生站1號出口，行3分鐘即到。或者善導寺站6號出口，行5分鐘左右。

園內有超過2000種植物，一年四季都有唔同風景，夏天更加係消暑好地方。無論係情侶定一家大細，都好啱嚟行吓、影吓相。

📍地址：台北市中正區南海路53號

🕘開放時間：每日 7:00～19:00

🚍交通方式：搭捷運小南門站3號出口，行7分鐘左右。或者搭1、259、204、242公車到植物園站。另外亦可以搭0東、3、238等巴士到民眾活動中心站落車行過去。

近迪化街，集合咗唔同品牌、特色小店同美食，地方佈置有異國風情，唔少人特登嚟睇日落兼打卡，黃昏加河景真係無得輸。

📍地址：台北市大同區大稻埕碼頭五號水門（民生西路底）

🕘開放時間：平日 16:00～22:00 週末 12:00～22:00

🚍交通方式：搭捷運到西門站或北門站，轉搭綠17公車去「大稻埕碼頭」。或者由雙連站出，搭紅33巴士都得。

推介玩法：先去動物園睇可愛動物，之後轉搭貓空纜車上山，睇風景之餘喺茶坊飲番杯台灣茶，食下地道點心，日景夜景都正到爆！

📍地址：台北市文山區新光路二段8號

🕘營業時間：平日 09:00～21:00 假日 09:00～22:00（如天氣差可能會暫停，記得上網查實）

🚍交通方式：搭捷運文湖線至動物園站，行過去就到。

呢度以前係蔣中正嘅居所，館內保留咗好多舊時擺設、畫作，好有歷史味。參觀時記得保持安靜，尊重呢個歷史地標。公園區域都好靚，啱晒散步放空。

📍地址：台北市士林區福林路60號

🕘營業時間：星期二至日 09:30 – 12:00 / 13:30 – 17:00

🚍交通方式：搭捷運到士林站，或者坐雙層觀光巴士藍線去到士林官邸站。

坐落喺二二八和平公園入面，博物館展品好多元化，從古生物化石到原住民文化都有。除咗本館，仲有古生物館等分館可以一併參觀，文青必去。

📍地址：台北市中正區襄陽路2號

🕘營業時間：星期二至日 09:30～17:00

🚍交通方式：搭捷運至台大醫院站落車就到。

隱藏喺市區嘅寶藏景點，亞洲第一個專收現代微型藝術品嘅博物館。館內所有作品都係1:12比例打造，好多細節位都令人嘆為觀止，啱晒鍾意手作同藝術嘅人。

📍地址：台北市中山區建國北路一段96號B1

🕘開放時間：10:00～18:00（逢星期一休館，最後入場時間17:00）

🚍交通方式：捷運南京東路站（4號出口）出，轉乘46、248等巴士到建國北路口站。

唔駛搭飛機都可以「飛天」！位於台北的「i-Ride 無限飛行事務局」，用特製懸吊座椅帶你飛越天際，雙腳會懸空，好似真係喺天空中翱翔。配合震撼畫面、立體音效同動態座椅，成個體驗就好似置身電影場景，飛過高樓林立嘅城市、雄偉山脈，甚至深入神秘嘅海底世界，臨場感爆燈！

🔍 地址：台北市信義區松智路 17 號 6 樓（微風南山百貨入面）

⏰ 開放時間：每日唔同，建議上官網睇最新安排

👟 交通建議：搭台北捷運淡水線到 101 世貿站，4 號出口行過去大約 5 分鐘

講到台北打卡熱點，點少得「美麗華摩天輪」？呢個係情侶拍拖同親子出遊嘅熱門地點。日頭可以望到松山機場啲飛機升降，仲可以睇晒成個城市景觀；夜晚嘅話，燈光璀璨，氣氛超浪漫。建議將呢個行程排喺一日遊嘅尾聲，為你嘅旅程劃上完美句號。

🔍 地址：台北市中山區敬業三路 20 號

⏰ 開放時間：每日 14:00 ～ 20:50

👟 交通建議：搭台北捷運到劍南路站，出站後跟住百貨指示上樓就到

唔想淨係行街買嘢？不如帶小朋友去一轉「宇宙探險」啦！台北市立天文科學教育館，係一個好啱親子遊嘅地方，隔離就係國立台灣科學教育館。最受歡迎嘅設施係「宇宙探險 & 太空城市」，結合互動遊戲同科技體驗，小朋友可以體驗太空冒險，玩得開心又學到嘢。

🔍 地址：台北市士林區基河路 363 號

⏰ 開放時間：逢星期二至日 09:00 - 17:00

👟 交通建議：搭捷運到劍潭站，轉搭 41 或紅 30 公車到天文科學館站落車

鍾意藝術嘅朋友絕對唔可以錯過台北市立美術館。館內有唔同風格嘅藝術品展出，仲有唔少互動區域，畀你可以親身參與創作，唔止睇咁簡單。睇完展覽之後，不妨去對面嘅花博爭艷館散下步，草地、單車、風箏、陽光，完美台北寫意午後。

🔍 地址：台北市中山區中山北路三段 181 號

⏰ 開放時間：週二至週日 09:30 - 17:30；週六延長至 20:30

👟 交通建議：搭捷運到圓山站 1 號出口，穿過花博公園再行少少就到

想感受台北嘅音樂魅力？台北流行音樂中心係個集合表演、展覽同互動體驗於一身嘅地方。館內除咗有精彩演出，仲有常設展，用聲光、實物展示音樂歷史文化，甚至可以親手玩下樂器，好玩又有得學，無論你係音樂迷定純粹想睇下都值得一去。

🔍 地址：台北市南港區市民大道 8 段 99 號

⏰ 開放時間：週二至週日 10:00 – 18:00

👟 交通建議：位於捷運昆陽站同南港站之間（捷運、高鐵、台鐵三鐵匯集）

（圖/大魯閣 Roller186 滑輪場官網）

想搵個新鮮刺激嘅地方打卡？台北小巨蛋嘅 Roller186 滑輪場絕對係你心水之選！場地有超過 300 坪，主打迷幻太空主題，美式復古風加未來感設計，非常上鏡！設有新手區同護欄，新手都玩得安心，無論你係玩開定第一次滑輪都可以盡情享受。

🔍 地址：台北市松山區南京東路四段 2 號 1 樓（台北小巨蛋內）

⏰ 開放時間：週一至五 10:00 - 21:00；週末 09:00 - 21:00

👟 交通建議：捷運松山新店線台北小巨蛋站 2 號出口出嚟就到

想一家大細一齊放鬆又動一動，圓山育樂中心係唔錯嘅選擇。入面有保齡球、飛鏢、撞球、籃球等唔同活動，齊齊玩樂唔怕悶。玩完仲可以喺附近周圍行下，感受台北輕鬆又寫意嘅一面，完美收結一日遊。

🔍 地址：台北市士林區中山北路五段 6 號

⏰ 開放時間：每日 09:00 - 00:00

👟 交通建議：搭乘 109、218、606 號公車，喺育樂中心附近落車再行過去

嚟到台灣北部，點可以唔行吓九份老街？呢度就係電影《悲情城市》嘅拍攝場景，紅紅地嘅燈籠掛滿成條街，成個氛圍勁懷舊，行過一間間小店，試吓地道小食好似芋圓、草仔粿，真係好有風味。之後再轉去十分老街，感受一下放天燈嘅浪漫氣氛，寫低心願放上天，幾有儀式感呀～如果時間夠，仲可以順路去睇黃金瀑布，個景真係壯觀，好似迷你版尼加拉瀑布咁，勁有氣勢！貼士一個，盡量揀平日去，咁就唔使迫住人行，玩得更寫意～

鍾意大自然嘅朋友，呢條路線一定啱晒你！由陽明山國家公園開始，行上擎天崗，沿途綠油油一片，空氣超清新，仲有機會見到牛喺度慢慢行～跟住去地熱谷睇煙霧瀰漫嘅地熱景色，再去冷水坑浸吓天然溫泉，超級放鬆！成個行程包晒山景、地熱、溫泉，打卡又有，休閒又有，真係咩都齊晒。尤其秋冬天嚟，暖笠笠嘅溫泉真係超正！

想體驗海岸風情？呢個宜蘭一日遊就幫到你啦～由台北出發，沿路去到蘇澳港同南方澳漁港，邊行邊食啲新鮮到爆嘅海鮮，齋聞個香味都已經開胃！之後再去個隱世秘景粉鳥林，個海灣靜靜地，好適合打卡放鬆。最尾重頭戲就係參觀金車噶瑪蘭威士忌酒廠，有導賞團帶你了解威士忌嘅釀造過程，仲可以試飲～呢間酒廠喺國際都攞過獎，唔試吓真係對唔住自己！

野柳地質公園絕對係台灣北部人氣地標之一，成個景點就好似大自然親手雕出嚟嘅戶外藝術館。經過幾千萬年嘅海浪侵蝕同風吹雨打，形成咗好多奇形怪狀嘅岩石，好似女王頭、菇菇岩、燭台石等等。最出名嗰塊「女王頭」就好似優雅嘅皇后咁，係成個公園嘅招牌。只不過因為風化加劇，可能過幾年就睇唔到，所以趁而家仲睇到，就快啲去打卡啦！

📍地址：新北市萬里區野柳里港東路167-1號

🕗開放時間：每日08:00 – 17:00

🚗交通方式：需要自駕或者報團前往，園區有停車場，每小時20元，當日封頂50元。

如果你鍾意睇海又想親親大自然，和平島地質公園一定啱晒你！呢度大約有2,000萬年歷史，係經過長年累月嘅海蝕風化形成。你會見到豆腐岩、海蝕平台、蕈狀岩等壯觀地貌，簡直好似天然石雕展館。除咗打卡影靚相，仲可以喺潮間帶觀察海洋生物，或者行下環山步道，吹住海風超寫意。入場記得尊重自然，唔好亂行亂摸。

📍地址：基隆市中正區平一路360號

🕗開放時間：每日08:00 – 19:00

🚍交通方式：可以搭基隆市公車101號喺「和平島公園站」落車，行5分鐘就到；又或者搭T99濱海奇基線都得。

帶小朋友去旅行？或者你本身對海洋有興趣？咁就唔可以錯過基隆嘅「國立海洋科技博物館」啦！呢度唔單止展出咗好多海洋生物資訊，仲有互動區域可以親手摸模型，玩得學得到，好適合一家大細。館內範圍幾大，建議預留半日甚至一日時間慢慢睇。附近都有幾間食肆，參觀完仲可以食返個海鮮餐，超級滿足！

📍地址：基隆市中正區北寧路367號

🕘開放時間：星期二至星期日 09:00 – 17:00（逢星期一休館）

🚆交通方式：可搭台鐵東部幹線到瑞芳站，轉搭深澳線約10分鐘至「海科館站」落車即到。

想試下淘金？新北市立黃金博物館就啱你啦！位於金瓜石嘅呢間博物館，除咗有豐富嘅礦業歷史介紹，仲可以親手體驗淘金，成個人即刻變淘金熱時代嘅礦工咁！館內展示咗唔同種類嘅金礦石，仲有真金睇，夠晒震撼！不過園區地勢比較多斜坡，記住著對好行嘅鞋。想深入了解當地歷史文化，可以參加導賞團，保證你收穫豐富！

📍地址：新北市瑞芳區金光路8號

🕥開放時間：週一至週五 09:30 – 17:00｜週末 09:30 – 18:00

🚍交通方式：由台北捷運忠孝復興站轉搭基隆客運1062號，往金瓜石方向，喺「黃金博物館站」落車就得。

台北怡品商旅嘅房間設計簡潔又有型，仲有啲房間可以望到台北101嘅靚景。酒店服務好貼心，好似用緊席夢思床褥、TOTO衛浴設備，連歐舒丹洗護用品都有，行完一日台北街，好啱喺呢度歎返個舒服嘅休息環境。地點位處台北東區商圈，附近有得shopping同食嘢，去其他台北熱門景點都好方便，整體CP值好高，絕對係平靚正嘅住宿選擇！

台北阿樹國際旅店以「樹」為設計主題，係一間有格調嘅精品酒店。房間時尚又舒適，仲融入咗好多自然元素，住落好似置身森林咁寫意。想喺台北泡溫泉唔使專登去陽明山或者北投，呢度有獨家私人湯屋，室內採光極佳，完全可以浸喺湯泉嘅放鬆享受入面。酒店鄰近捷運小巨蛋站，交通一流，附近生活機能亦都好齊全。如果啱啱喺小巨蛋睇完演唱會，唔妨就住呢度，嚟個輕鬆嘅兩日一夜台北之旅。

台北大倉久和大飯店係一間國際級豪華酒店，將日本式嘅細膩服務同現代設施完美結合。酒店坐落喺而家好多人鐘意嘅台北中山商圈，交通好方便。設計精緻有品味，設施包括頂級SPA中心同恆溫泳池，無論係房間定公共空間，都散發住高雅嘅氣息。想慵懶啲，酒店仲有多款餐飲選擇，唔使出街都食得好滿足。

Q: 有咩台北情侶約會好去處？

A: 情侶可以去碧潭玩，欣賞湖畔風光，踩下天鵝船，行吓碧潭嘅小路都幾浪漫。或者去大稻埕碼頭睇下海景、又或者華山1914文創園區行文青市集，都係好啱約會嘅地方！

Q: 外縣市遊客點樣開始台北一日遊？

A: 坐台灣高鐵到台北站，轉搭台北捷運，就可以開始新北台北嘅一日遊。從高雄搭台鐵到台北，坐普悠瑪或自強號約四個鐘左右。坐統聯、國光或和欣客運去台北，係最平但最慢嘅選擇。

Q: 台北必去一日遊景點係邊啲？

A: 大部分第一次嚟台北嘅旅客，必去台北101、陽明山、西門町、北投、貓空，呢啲地方最受歡迎。如果想玩得深度啲，就要自己計劃深度旅遊路線。