差,差,差嘅酒店,建議勿訂。
1. Check in 時reception個職員十分無禮貌,話我只訂了一晚,我將電郵俾佢睇佢4晚,佢堅持話一晚,仲叫我check吓銀行紀錄係咪得一晚,後來另一個男職員過嚟話我確實係訂咗4晚佢先幫我check in。
2. 訂咗間大套房,啲燈好暗,成間房好暗。
3. 洗手間好細,但基本嘢都有,但攞嘢地方無乜,連掛衫地方都無。
4. 衣櫃,雪櫃無燈,safe box係舊款,無指示卡點用,電話問職員話wait,一路無人上過房。
5. 風筒係最舊嘅款,無乜風,建議長頭髮就最好自備風筒,否則可能要吹3個鐘。
6. 隔音勁差,每晚都聽住隔離傾偈🤣同街外聲。
7. 門鎖每次出去後都開唔到,每日如是,去大堂叫我哋等等,就見有staff攞住部laptop上去,唔知咩事,最後一次問過佢哋,佢哋話ok no problem😡。
8. 早餐無乜嘢食,食到10點,但9:30已經無refill,refill亦慢。
唯一一樣好,就係响BTS隔離,樓下有7-11。
同樣價錢,唔好揀呢間。