寧曼慕斯酒店

未落車大門外已經見有駝鹿公仔，酒店入面周圍都會見到唔同既駝鹿擺設，好有趣。職員好有效率check-in非常快（留意返500銖按金要俾現金）。 房間好乾淨冇怪味，有一大一細兩隻窗，日頭開窗簾就夠晒光猛，係夜晚就會覺得燈光唔係好夠。分體式冷氣比駝鹿公仔更搶眼，雖然對正床但有遙控可以調校送風角度同溫度，冇中央冷氣一係好大一係冇風嘅問題，唔會吹住唔舒服。 床單冇污漬，好滑冇毛粒，讚！枕頭一軟一較硬，呢幾晚都訓得好舒服。 電視有超級多台花多眼亂，都係開返youtube睇好過。 廁所好大，不過可惜冇做到企缸加浴缸。水力夠唔會忽大忽細忽冷忽熱，但就唔夠熱。亦都體驗到其他留言話浴缸邊有積水嘅問題。 房務員執房都好快好整齊，專業！ 餐廳有室內室外座位，亦有窗邊吧檯位。食物選擇唔算多，不過質素幾好，可惜佢哋已經冇咗咖哩麵，但佢個咖哩豬腩都好好食。 健身室就叫做好過冇，好細。 酒店過對面馬路就係7-11、Starbucks R、Let’s Relax。寧曼1號就係前少少，再前行5分鐘就到大商場Maya非常就腳。 值得一提酒店外轉角位有間西餐廳，老闆超nice好熱情招待，推！ 美中不足就係出面十字路口長期塞車，call grab要俾少少耐性，或者揀啲橫街上落車避開大馬路。 大堂有零食提供，亦有甜品同泰式小食（人地有寫只供堂食係俾你坐低慢慢食，唔係拎上房或拎走。可惜眼見有啲人當自助餐咁執晒一大碟拎上房，自律啦香港人）

位置無得頂，勁近寧曼一號及Maya,由大街行入去1分鐘也不用，夜一夜都唔驚。 房間空間感十分好，很多地方放東西。 早餐正常，熱食一般 最差係廁所，每次出入浴缸都很擔心會跣親，浴缸很高，扶手唔就手，設計很差，就算有浴簾，玻璃，每次沖完涼嘅水都會流出黎。水唔夠熱又唔夠力，潔具保養很差。 入住時要付500baht現金按金，唔可以簽卡

地方很充足很大，又有梳化可以坐。附近有大型商場，距離機場路程又近，床褥很舒服，樓下有小點心可以吃，早餐都算豐富。唯一不足之處，是洗手間的燈光有藍色，非常奇怪，其他都非常滿意。

酒店位置方便，沒有架車也方便。外面很多食肆可以供參考。酒店隔音很好飛機經過也沒有聲浪只是沒有泳池。下次也會再去。

酒店地理位置極度方便，就在寧曼一號對面馬路，按摩食嘢都超級方便。 寧曼號有多間小食店，另外酒店早餐都挺不錯，有多款種類，咖啡橙汁，中西泰都有。

地理位置很好，非常方便， 5分鐘路程便可以到One Nimman. 樓下reception的員工樂於協助，我所住的房間，洗手間的間隔超奇怪，洗澡後會把地下弄濕，而洗澡的地方，會有大量積水，又沒有去水位。經反映後，第二天住宿時，房務員特地放下更多的毛巾，並做了一個小工程，非常欣賞他們的勤快，縱使我相信應該不只我們面對這個問題。 如果有興趣在這酒店住宿，強烈建議大家自己攜帶拖鞋。