香港銀鑛灣渡假酒店（Silvermine Beach Resort）

今次嘅staycation有驚喜！大概2:00 check-in，住到1樓L型窗望海景房！同個海好近！（酒店冇電梯，只有樓梯）環境清潔一般，新翼冇浴缸，冇護髮素，本身對呢間酒店要求唔高。 今次package包左BBQ，嘢食款式很多可以任食任燒3小時，2:30-5:30pm，工作人員會幫你起埋爐，亦會加炭，過程都幾開心好玩。 第二朝既早餐有中式同西式揀，味道都不錯。 仲有1小時單車體驗，可以揀兩架單人單車，或者一架雙人單車。不過梅窩唔大，雙人單車可以踩嘅地方唔多。但都係一個好好嘅體驗。 下午茶可以揀第一日或者第二日食，由於太多人享用，等咗好耐，因為工作人員唔多。份量唔多，四串串燒同兩隻雞翼+每人一杯嘢飲，味道還可以。 總括嚟講，體驗唔錯，無論房間定係餐廳都望到海，風景一流。如果開返泳池健身室sauna室，應該會有一個更好嘅渡假體驗，可以再去。😀 附近都可以去睇銀礦灣瀑布同埋銀礦洞，當係行吓山，郊遊下都幾好。 btw，梅窩人非常之好，跌咗銀包，有好心人執咗，交收得番🥰

地點好，離碼頭不遠，一出酒店就望見沙灘，有度假feel，早上坐室外看著沙灘享受早餐，很喜歡這個環境。 但很多地方需要改善，床褥太軟，其中一邊床甚至凹陷，感覺很差，半夜聞到廁所傳來臭味，其實當日很少客人，為何不給予較好嘅房間比旅客，讓旅客留下好印象呢？ 我今次係買package，包早餐，自助燒烤晚餐，早餐食物真係麻麻哋，自助燒烤期望太高，食物質素唔好食，場地燈光太暗，經常唔肯定食物熟未….最好食竟然係燒方包，只提供蜜糖，我唔明白要求豉油都要加$10 …第二晚我哋轉左食晚餐，反而有驚喜，羊架非常好食，黑椒牛扒都推介，另外套餐還包了一個鐘單車，叫做有得食有得玩。

Check in 能夠提早到兩點，兩點前酒店能提供寄存行李服務。一進入房間，有一浸異味，設備頗為殘舊，隔音亦有待改善，但房間十分寬敞。package包了1小時單車服務，能夠暢遊梅窩，讚👍🏻另外有早餐提供，中式早餐味道欠佳，但有先進機械人送餐，有新鮮感。最後，欣賞酒店有小花園及一些裝飾能打卡影相。

房間相對市區的酒店面積比較大，陳設傢俬比較舊，看上去比較傳統的感覺，房間位處地下，落地玻璃向外大窗面對途人，唯有再一直關閉窗簾。廁所很大，但設施很舊，花灑水力嵗，牆上磁磚表面有污漬，浴簾也很舊而且亦有黑點污漬，感覺清潔度不足。浴室沖涼液洗頭水洗手液整體香味過濃。最滿意可算是晚餐和早餐，房間包兩份中式或西式晚餐，選擇了的西式晚餐很豐富，每套餐包括沙律，餐湯，主菜和飲品，吃了一個牛扒餐和烤雞餐，味道很不錯。早餐選擇有中式點心炒麵和西式炒蛋薯餅腸仔及磨菇粟米粒，也有自助任食烘包多士和任飲橙汁提子汁或奶茶咖啡。

對上一次來已有廿多年前。重遊感覺不俗。酒店稍舊保養一般，房間整體算可以，潔淨度可加強。一般離島酒店要求不要太高吧。BBQ自助燒烤都唔錯，食物味道比新界燒烤場好食。不過稍貴。