香港愉景灣酒店（Auberge Discovery Bay Hong Kong）

位置偏遠，正因這個原因，有真正渡假嘅感覺！check in嘅時候非常多人, 不過check in過程尚算快捷👍房間闊落，海景房可惜窗戶有污漬，破壞了美景！早餐食物水準尚可，但選擇偏小😑泳池需要排隊入場，我認可以改預約制度較為方便。gym room 同樣有海景，但設備較舊！

小朋友生曰staycation, 送了個bear bear , 等候上房期間，小朋友同餐廳職員傾計，知道小朋友生日，也送了兩粒糖，感覺窩心。 泳池一共去了2個sessions，一次9am, 一次6:30pm, 唔駛排有位。kid zone 比較細，玩左30分鐘，有兩部遊戲機，好受小朋友歡迎。 兩張單人床，夠我哋兩大兩小。

酒店upgrade 左我地去海景客房😻 星期日有免費酒店接駁巴士👍🏾真係要早啲check in, 12點幾已經好多人，2點幾既時候超級多。唔記得帶HDMI 線，好彩酒店可以借。步入式淋浴間真係勁靚，藍白色格調，配埋日式浴衣，好有渡假氣氛。買左套票包自助晚餐及早餐，不過不失，有麵包蟹食，非常多蟹膏，好快比人拎晒。啲長腳蟹就好短好細隻，三文魚好淡味。泳池唔可以book 要先到先得排隊，限左60人，早15分鐘排都入到。自助早餐太多人食，分左4個時間，check in 既時候好約定早餐時間，9點幾既早餐時間好搶手，手快有手慢冇。有75分鐘用餐時間，都夠用既。酒店周邊又有便利店，又有超市，又近教堂，又近鐘樓👍🏾非常方便

本身愉景灣位置就唔方便得去邊😂 book山景房，check in時酒店職員問要唔要加$330升做海景房，都係一個ok嘅價錢所以升埋。附近基本上唔太多特別嘢行，係沙灘可以坐下，所以一家大細或者會落水玩嘅適合啲。酒店房大細ok的，不過電視無netflix同房無usb叉電頭要扣分。仲有個浴缸，以為會去到某個水位就唔會再升，點知唔會，好彩發現得出只係過左個梯級少少。

知道假日CI 人多，所以我們一早去CI (12:00), 前台見我地一行訂3間房，有老人家又有小朋友生日，很貼心的其中一間房可以early check in (12:30左右），這樣我地可以食完午餐去泳池玩。 泳池有深水淺水區，都適合帶小朋友去玩。 房間乾淨企理，冷氣夠凍，洗手間都闊絡乾淨，有浴缸可浸浴，可打去服務部拎浴鹽。 早餐都算正常，多選擇，雖然有分時段，但如果有位都會俾客人入去進餐。 回程有shuttle bus出欣澳。 唯一希望知道房間有小朋友入住，可主動提供牙刷拖鞋等等，這樣能盡善盡美。