香港黃金海岸酒店（Hong Kong Gold Coast Hotel）

服務好，有代客泊車，住露台海景房一流，早上曬住太陽做運動，舒服，可惜房間沒有水，要出門口攞，但水覺得有陣味，好彩步行15分鐘到超市，行約5分鐘到沙灘，晚上自費食了自助晚餐，款式多，好食。會再住

• 3 月尾入住，疫情非常嚴峻，所以非常寧靜，只見一對情侶入住 • 入住時即時上衛生署網頁 check 住客住址是否有確診個案，否則不能入住，可免費退款或改期入住 • 櫃檯妹妹仔職員感覺工作有誠意，說話服務態度良好，亦主動想辦法幫住客，感謝，讚，她亦突然說 upgrade 了房間給本人，很感謝 • 酒店有很多設施玩樂（大部份收費），睇到都開心想玩，由黄金海岸商場小路行上，對面已有個田園，入酒店內有間 lobby shop，全賣小朋友日用玩具品，酒店外還有戲沙池，公園仔，高爾夫球場仔，蝴蝶園等等… 泳池亦大，見有兩條滑水梯，泳池大過主題公園酒店內的泳池，應好玩好多 • 酒店 5 樓房間中間位置設計了一個熱帶植物農莊，可給小朋友欣賞，動靜皆宜 • 酒店 lift 是玻璃子彈 lift，好似尖東 帝苑酒店一上樓層就似去了第二個世界 • 酒店 lobby 好大，好闊落，好中式設計，中亭設計覺得是風水設計 • 房間大，比較舊，簡陋，都齊潔，床兩邊只得燈掣，無 USB 線掣，只有檯面先有一個，水可以行出走廊 lift 旁自助水機斟水，環保，讚 • 洗臉盆和花灑熱水要開數分鐘先有熱水，熱水溫度非常熱，浴缸都係，水力强，去水快 • 門內防盜眼被上手塞了紙巾入內（可能係上上手），已貼了紙條叫房務員清走，但唔明啲住客要咁做，唔識用防盜眼？ • 因 upgrade 了房間給本人，多了張 sofa 和隱藏的露台，但可惜落雨，不能外出 景望遊艇會龍珠島，靚 • 有 $400 餐飲消費額，下午 5 點半前可以叫餐牌 set 內的 menu，5 點半後只能叫 room service menu，餐牌唔同的，但餐廳得一間，都係佢出品，不過就要落餐廳叫，然後等職員打電話嚟再落去餐廳拎 安格斯牛柳粒炒河，好香，有鍋氣，好食；牛油果雜菜沙律，同相係兩回事，一堆俾你，不過份量都算多，都新鮮 • 第二日 check-out lunch 可用埋剩餘餐飲額，沙嗲軒的海南雞飯，海鮮 pizza，個 pizza 就唔太好食 餐廳得三個侍應，一個女在櫃檯，兩個男就周圍走，好忙，無咩客都要等好耐先叫到餐同埋單 • 如果設施開放和好天可以再嚟玩，尤其有小朋友絕對啱玩

天公不做美！貴人招風雨！今次行程因為整天都下雨，只可以在室內玩，泳池及沙灘都未開放，令整個行程都比較失色，提早咗去check-in 2:00就可以比到我哋入房，因為房間訂左露台，但落雨都冇得出去覺得有嘥咗個露台，下次如果知道落雨，真係要早啲改期！

住尊尚海景房環境已經無挑剔了，無敵海景。露台夠大可以邊吃飯邊欣賞景色。酒店位置尚可，搭公車的朋友下車到酒店都要比較遠。酒店早餐種類都算多，但需要多加職員看守有些食客不帶好口罩走來走去。酒店可能年份比較大，設施房間都比較舊，電視機沒有智能電視，希望可以改善。還有入住登記比較慢。

第二次入住今次有露台但係好景不常下大雨！Gym exercise嘅時間去到八點但係相差入住時間🥴😵‍💫只有第二日食完早餐先去🙂便宜氣太舊手柄膠老化！