挪亞方舟度假酒店（Noah’s Ark Hotel & Resort）

地點雖然位於離島 但係喺青衣旺角荃灣葵芳都有巴士小巴接駁 搭船到中環荃灣又得 不算難揾難到達 環境真心舒服令人放鬆心情 遠離塵囂 房間upgrade到家庭房 非常寬敞 衛生整潔 外面有好大個露台望到青馬大橋 整體CP值超高 一定會再去 d(^_^o)

想同小朋友返學前再為暑假作最後衝刺，於是，我即興在Trip.com訂了翌日出發的挪亞方舟酒店，話出發就出發，真係好少有🤣 好彩無令自己和小朋友失望😍 我哋選擇坐港鐵到青衣站轉NR330巴士到馬灣海灘，一直以為好遠，但原來其實好方便的，巴士路程10分鐘就到達馬灣海灘，行5分鐘就到挪亞方舟酒店了😆 一到酒店即check in, 我訂的係2張豪華雙人大床的套房。小朋友見到2張大床即興奮到大叫，再見到後花園能望到青馬大橋都尖叫起來。 房間設施以簡單環保為主，所以，以木色為主且易於清潔，令我哋放心赤腳而行。有2個厠所，2個浴室，方便4個人同時享受🤣 可惜因為我哋係4人房間，因此沒有浴缸浸浴🥀 放下行李，我哋馬上到園內外走一圈，因為酒店客人，園外很多設施不另外收費。最吸引的，是騎動物車和火箭公園，我3個小朋友玩個不停，歡笑聲和尖叫聲交錯，令他們都捨不得離場😍 海灘和酒店路程相距只有5分鐘，所以，我哋分別在黃昏前和晚飯後都有去海灘欣賞美景，確實十分醉人。晚餐時份，我哋試了酒店的豐盛閣的pizza。因為做推廣，一個10寸大簿餅，滿滿的餡料都只係88元，十分實惠。我哋一行5人食了2個到酒店買的pizza和外面cafe買的一盒小食拼盤，肚子滿得要爆開似的🤣 床鋪枕頭都是全白，軟綿綿的，十分乾淨，讓我哋都睡得十分安穩。 第二天，園區設施10時開放，我哋提早到處走走，拍了很多景點，10時開始先看電影和展覽，再到遊戲區玩。直到3時，我哋去享受酒店的特惠下午茶。因為酒店住客早餐只係75元一位，下午茶468元2位會有7折的，十分抵食。唯一缺點，就是孩子明明3歲，也要叫一份餐比佢，令我哋食唔完要打包回家🤣 此次旅程，小朋友話十分難忘，十分好玩💖 總分，有9分😍

第一次寫評價，因為成個入住經驗幾深刻，因為好既地方好好，差既地方好差，搞到我都唔知仲會唔會encore。 先講好既地方： 1. 好平，買咗個package送熊公仔製作+沙灘玩具，仲包早餐，兩個人住兩晚，每人每晚4百幾，性價比好高。 2. 食早餐好舒服，望到出面海景同青馬大橋，早餐種類都好多，唔係話特別好食，但都唔差。個豆漿值得一讚，好甜好好飲。而且竟然有粢飯食。番茄仔、黑松露炒蛋、橙汁、麵包、沙律、薯餅都幾好食。 3. 近沙灘，一落去就係，玩到咁上下上酒店都好方便，仲突登5點幾落去睇天光。嗰邊仲有好多餐廳，雖然無試到，但應該幾好feel。 4. 間房張床好舒服。電視都大，有得睇下youtube netflix。 唔好既地方： 1. 間房有四腳蛇，露台有老鼠！！！好彩既係條四腳蛇一見到我地入房就匿埋左，之後無出現過，而老鼠只係見左一下，但都搞到唔係幾敢出露台。話晒都酒店，其實我未試過喺一間酒店見到蛇蟲鼠蟻… 2. 個廁所漏！水！第二晚沖廁所，啲水喺後面好似開大水喉咁漏，流到成個地下濕晒！我幾驚佢漏唔停，流到成間房都係水！好彩佢漏左一分鐘左右停左，但之後我都唔敢用房個廁所。其實我第一晚已經見到點解廁所周圍成日有灘水，可能一早就有漏…仲有，走嗰陣望到馬桶入面係污水，真係好核突！ 3. 某啲員工好唔專業。checkin嗰陣啲員工成日細細聲講野，講既態度好似好串咁，又好似當面教新人，未見過個frontdesk會咁。另外第二日食早餐，1030完，1000有個女人走埋嚟話1030完，講完仲要望幾秒，之後隔幾分鐘就走黎收碟。如果完前15分鐘提一提我覺得都合理，但駛唔駛前30分鐘就好似催我地走咁。最好笑係1015黎左幾個外國人入黎食，佢就無再催我地。而第三日早餐亦都係正正常常1015提我地，亦無即刻埋黎收碟既情況發生，相信係我第二日唔好彩。仲有整體員工都好鐘意喺客面前傾閒偈。 4. 間房都有啲問題。洗頭水同沐浴露同護髮素都係同一隻。另外唔知係咪我地搵唔到，房入面無衣櫃。仲有廁所設計有啲怪，好多鏡，成日睇到無限個自己，有啲恐怖。露台同其他房打通，可以行去第二啲房既露台，呢個設計真係幾唔安全。 整體黎講，其實係抵住既，又近沙灘，附近公園風景都好靚，其實呢幾日玩得幾開心。但要睇下好唔好彩，住嗰間房乾唔乾淨（睇到其他評價話有曱甴，心諗好彩我間房只係四腳蛇）。仲有行李最好唔好放地下，感覺好污糟。仲有最好自備沖涼用品。

周邊環境一流/ 了解方舟的故事就是了解上帝和聖經的過程，對孩子和自己都有益。/ 坐船的體驗也不錯。/ 空調很冷，可以直接關掉再睡。/ 離大橋太近是唯一但無法迴避的缺點，如同內心上帝的聲音和外部的噪音一樣道理，需要自我去認識和屏蔽噪音。

酒店房間設於3F,大堂有禮賓部及桌球、足球機的設施, 供住客check in或check out時使用,安排不俗。 酒店的其他樓層設有不同的展覽館,可供小朋友玩樂;服 務員待人有禮,且經常面帶笑容,讓住客感受到歡樂的氣 氣息 酒店房間方面,是次訂購的是雙床房間連露台。房內有2間 洗手間,十分體貼!可惜露台看不見青馬大橋,且鄰房住 客竟取走大部分 露台的椅子並利用椅子曬內衣,希望酒店安排服務員定時 巡視有關情況。 酒店房間大致舒適,惟沙發和椅子有較多灰塵,而遙控器 亦有損毀,有待改善 very nice experience and we will visit again.