香港油麻地王子酒店（Kings Hotel）

第一次黎呢間油麻地王子酒店，一點十分到咗，唔可以提前攞房，只好等到兩點，由於我訂的大床房可能未執好，升級咗14樓類似家庭房，一張單人床，一張雙人床，唔見有支裝水同咖啡粉茶包之類提供，燈光有啲陰暗，隔音很一般，可以聽到隔離房聲音，沖涼水夠猛，但係坐廁在浴室裡面，地下濕咗要去廁所就會整濕腳或紙拖鞋，非常不方便，地點方便，附近多嘢食

位置確是方便，便是廟街，食完煲仔飯便上番酒店都不錯，所以已第二次入住，可惜今次不知道為什麼冷氣機好像有問題， 根本不冷，熱到出汗， 但因太晚都沒有打電話到客服，就是全晚睡不好

由二百幾三百蚊，加到三百幾四百蚊，講真，都值，因為房，空間感夠大，附近，又易搵食，地點又易搵。。正。所以，應該會繼續住，同埋，酒店員工態度都親切，又夠靜 ~~~~~~

王子酒店位於油麻地地鐵站C出口，往文明里左轉鴉打街直行到酒店約5-6分鐘，酒店有一出口在廟街，晚上有好多食肆晚飯/小販販賣，非常熱鬧，行出彌敦道交通非常方便，有巴士站，有7仔便利店/酒樓餐廳不同食肆選擇！ 我訂的是大床房，被提升至3人家庭房，房間清潔乾淨，但是床褥的質素太差，彈弓凸咗，通知前台這情況，他們提議將另一張床的被，鋪在床上，比較舒服，他們也知道床床褥快將更換，說不好意思！ 有枱燈/雪櫃/熱水煲/小夾萬/一般嘅物品都齊備，職員有禮，需付按金$500，退房時歸還，也滿意，下次都會再定！

位置非常方便，房間也意料之外的大。裝修精美，冷氣及雪櫃夠凍。好抵住！附近是廟街，多嘢食已毫無疑問。最喜歡房間內還有一張小小的枱可以食吓嘢寫吓字。