vvthepooh
2023年12月19日
呢度比較荒蕪,似啲新市鎮未起好,有啲地準備起樓,又有啲大樓嘅地舖仲未租到出去,吉晒喺度,不過5-10分鐘路程都叫有個小區,有唔少餐廳,仲有兩個超市,都叫幾方便,連Olive Young都有,仲要勁少人,出面斷貨嘅呢度竟然都搵到!
因為楝嘢新起,好新淨,樓下就有便利店,之前睇評價知BlueOcean係自助Check in,本身就唔係問題,但問題係自助到真係一個人都搵唔到,就真係好大問題!
3點先可唔可以入住,但我2點鬆就到左,平日酒店可以寄存行李,出去食個飯先返嚟Check in,Sorry!呢度唔使諗,因為冇人幫你寄存!
坐咗45分鐘,然後埋去用機Check in,竟然要輸入韓國手機號碼再收SMS認證⋯⋯
遊客那有手機認證到?
咁我撳掣叫職員嚟,點知auto回覆聯絡唔到,之後見到櫃枱有個電話號碼,我打去搵人幫手,對方叫我等10分鐘,最後等咗30分鐘都有!
最後用咗40分鐘先上到房⋯⋯
話呢度係酒店,不如用service apartment比較適合,好有家嘅感覺!地方好大,有兩層高,上層同下層都有床,可以住3個人,有廚房可煮食,有洗衣機洗衫,仲有大大個雪櫃,真係家用有埋冰箱嗰啲型號,放心買雪糕返嚟都冇問題!
由於唔算係酒店,所以基本上冇乜用品提供,例如毛巾、拖鞋、牙膏牙刷都冇!
地板有暖氣,但開頭兩三個鐘未熱晒,唔係每步都踩中有,要睇運氣!
另外1分鐘路程就有202巴士去機場,車程半個鐘左右,但係21分鐘一班,如果就唔啱時間,分分鐘要成粒鐘先到機場!不過搭的士或Call Uber就好快,15分鐘左右就到,我就Call Uber,大約130蚊港幣左右啦!