温泉大世界酒店（Spa World Hotel&Resort）

酒店好像不是太著重外國客人，亦唔見得好重視酒店的服務，反而我覺得佢哋似重點係經營一個溫泉，酒店只是副業。 當日去到酒店, 揾咗好耐都冇電梯lobby 。只有一條長樓梯及一條向下的扶手電梯。屋企人搵職員來，都係叫我哋搬行李上樓梯，對於一家大小有大行李有B B車的旅客，實在好唔方便。 搬到上Lobby, 職員話要自助check in, 我哋有book小朋友但酒店冇record, 要找職員搞咗好耐先處理好（因為所有人出入都要有手帶，所以一定要登記返）。職員唔太識英文，態度亦好一般。酒店係好傳統的日式溫泉酒店，一入大堂已經要除鞋，拖鞋都唔可以著。至於去浸溫泉要著乜，帶乜，完全冇職員同我哋介紹，只有派一張英文簡介什麼樓層有什麼溫泉，男定女湯，其他嘢要自己摸索。 酒店有包早餐，早餐地點冇人話你知，早餐到10:00，最後入坐9:30係我哋喺佢早一晚關門前見到，亦冇人提你，亦只有日文漢字（外國人唔會識睇）。食早餐我們9:30到，門口個waitress 黑面，我們之後有日本家庭入去食早餐要同waitress 理論，明顯佢都係唔知9:30前要入坐。 第一晚房間冇準備小朋友用品及去浸溫泉的衣服（小朋友有付費的），房間亦冇電話可以call 客服，要出走廊先有電話。酒店好似都冇room service order 食物，記住食飽或者自備食物返酒店。第二晚終於有小朋友用品，但又冇加返樽裝水（只有1支500ml)! 我們今次住new wing，房間及用品都好新淨。小朋友好喜歡個泳池及家庭spa 可以一齊浸。沖涼用品有Loccitane 都好用。 早上10:00就要check out, Check out 後行李不能寄存喺酒店(除非留喺酒店浸溫泉），搞到我哋要即刻搵地方寄存行李才可以出去行動物園。 總結今次住呢間Spa World 感覺不太好，浸溫泉ok但酒店冇service可言，唔方便客人，冇英文information, 冇customer service, 淨係有保安睇住出入口，一定要用QR code先可以入門，因為有好多當地人會買飛入場浸溫泉，係同入酒店同一個門口。唔可以帶朋友入酒店坐、食嘢，因為一定要有入場券先入到，如果約朋友聚係冇可能，好唔方便。 所以呢間淨係浸溫泉可以，住就唔再考慮啦！咁嘅價錢，service 好嘅酒店大把選擇！

訂了入住2晚，去到原來正在進行翻新工程，到處都是灰塵及裝修的味道，又四處都圍了板所以看不到酒店原來的風貌！ 而且入住當日是旅行尾聲行李已十分重，但從地面去酒店大堂竟然沒有電梯，要行一條長長的樓梯搬行李上去！ 而且大部分員工都只會日文完全不會英文，連打電話去大堂問wifi password接聽的女生都不明，最後換了第三位人事接聽才明白！酒店亦沒有水提供需要自行購買！ 但有十分多溫泉池選擇，房間比一般日本酒店大好多，如果下次再來都會考慮入住！

酒店整體非常好，早餐非常豐富，環境很整潔！老少咸宜！

地方大，設施充足，但去酒店大堂有點困難

酒店CHECK IN電腦化，但唔識都會有工作人員幫忙。 BOOK咗兩間房，日式房無沖涼位置，無遮光，8月尾日子5點50分已經光到醒咗。 房間電視被SET咗6點50分自動開電視。 水上樂園滑梯要另外俾錢玩。 浸池的地方很足夠，入住的話可以24小時任浸。 早餐食物和飲品質量都唔錯。