我地晚上11點到布吉機場,但落超大雨滯留左係機場,係機場行7-8分鍾就到酒店,但google map信唔過,會遊花園行多十幾分鐘!好在我地自己搵路!不過都搞到12點幾先到酒店,入去前都幾難認到。因為無門牌而且又黑!不過就係7-11隔離,好彩仲有職員在等我地check-in ! 出發前,我哋電郵去酒店S2機場公寓酒店,request 要低層房間,(因為之前睇咗啲評語話無電梯,而且3樓頂層一落雨就好嘈)然後真係俾咗reception隔離嘅10x房地下房間俾我哋!實在太好啦,因為我哋Hand Carry都好重唔使走上走落行樓梯🙏🏻🙏🏻
好彩我哋自備咗洗梳用品,沖涼液同洗頭水係二人份量一次裝,房間尚算整齊乾淨,張床真係超大,差唔多兩米寬😂應該瞓到一家四口有餘👍🏻然後發現有個大露台🤩真係好大間房,HK$200晚黎講性價比高👍🏻
喺酒店門口已經有間洗衣店,好新淨好靚!隔黎就係7-11勁方便而且好多好多好多人買野,已經凌晨仲咁旺場😮
第2日一早出去搵食(酒店無早餐),酒店門口已經有間賣飲品店,20-40THB左右,又平又好飲!!!機場買同樣飲品120-250THB😧同機場只係爭幾分鐘嘅路程嘢飲價錢可以相差咁大😂
不過我哋都行咗10分鍾出去搵野食同埋去supercheap +药房,沿途真係好曬冇瓦遮頭,完全唔可以睇小泰國嘅天氣😂😎