酒店超正 係度假色嘅resort 完全唔同深圳市中心其他嗰啲酒店 好似去咗泰國馬來西亞咁。
地點亦好方便 地鐵觀瀾湖 站 c出口會連接一個商場地下層 然後上扶手電梯上到去地面層 行去商場北門方向出口 一出咗個出口左手邊就會有幾條黑色鐵爛( 留意有图)有幾行位置畀人排隊 係喎穿梭巴士入酒店的入去酒店只需五分鐘車程就到好近 一個鐘頭三班車應該係00,20,40分左右到 酒店B車。
所以我哋都冇係酒店入面食嘢 因為shuttle太方便 出返嚟呢個商場 4,5楼有超級多嘢食好多靚餐廳 地下亦都有超級市場 同埋平價食店 , 地面層通去另外商場出面 亦都有餐廳 食嘢真係唔使憂好多選擇!
酒店早餐正正常常選擇種類都好足夠嘅 酒店房非常之大五百幾呎 廁所超大 亦都有露台 衛生ok 整體真係可以再返嚟休閒下 當度假 shuttle bus可以去 商場酒店 東莞哥爾夫球場 等等 唔使錢. 但記住千萬唔好食酒店 lobby隔離間餐廳門外玻璃飾櫃買嗰啲甜品 我食咗一啖就掉咗落垃圾桶好難食嘅mousse cake🥲
酒店有個兒童波波池 報酒店房number 就可以入去玩
酒店好大範圍 週圍亦都好靚 建議大家週圍行下.
另外酒店包咗雪櫃入面嘅嘢飲係有一罐可樂一罐 雪碧同埋兩罐青島.
酒店泳池有大量免費提供嘅 水泡 大中細圈 洗圈幼童有得坐嘅 都有 !
酒店泳池有兩個 我哋淨係去咗一個 另外一個係要行去另外一邊嘅 唔同環境。 泳池有救生員的。
早餐小童120cm以下免費超出120cm係會收大約70蚊左右嘅價錢。
酒店話唔包一次性牙刷牙膏但係我去到都見到有兩set擺喺度 仲有一把梳( 但我自己已經帶咗)
有洗頭水護髮素沖涼液好香.
酒店房內提供嘅拖鞋 一對男士拖鞋一對女士拖鞋同一對小童拖鞋( 非一次性是 膠拖鞋來的)
露台望出去係哥爾夫球場.
呢間酒店環境真係好好 用嚟留喺酒店relax就幾啱傾下 遊下水行下 旁邊亦都有哥爾夫球場可以打.