酒店係日本出名嘅哥斯拉酒店。位置非常方便,忠孝新生1出口行1-2分鐘就到。價錢黎講係偏貴,好彩有優惠,但睇埋就覺得值得。日式酒店門面真係好靚,好乾淨。櫃枱職員服務好,識日文,見到有唔少日本人入住。每層有個人物資有需要可以拎。房內空間算ok,可以開到2個大喼,有一張雙人沙發仔,開放式嘅衣櫃,因為比較難book所以只訂了兩張單人床,床係舒適唔會訓到頸痛腰痛。電視機係好新好多功能,普通台之外,有youtube, Netflix, 可以連手機屏幕。有免治廁所,日式浴室,有個大浴缸可以比你行完返酒店浸浴,當然會有入浴劑比你。有好多個插頭同USB頭,唔洗帶轉插都得。酒店會隔日執房,但每日都會掛一袋新嘅毛巾同物資係你門口,所以隔日執房都ok。3樓有洗衣房,有洗衣機及乾衣機入可以入錢洗衫,洗衣液就要係櫃枱買,10台幣一包,如常衣服較多乾衣機建議最少乾40分鐘,唔係就要拎返上房用風筒吹乾。附近有兩間便利店,有一兩間拉麵店營業到0300。整體黎講係非常滿意👍🏻👍🏻👍🏻非常值得入住嘅酒店。