熊本阿蘇火山・草千里 狂風暴雪中的震撼體驗

#全球旅行 雖然今次嚟到熊本阿蘇火山遇上大風大雨,甚至落雪,冇緣見到火山口真面目,但呢種惡劣天氣反而帶嚟一種另類震撼。山上白茫茫一片,強風夾住冰粒打過嚟,雖然凍到震,但眼前嘅景色好似科幻片場景咁,真係好特別。 上完火山,可以落黎草千里打個卡買下手信再飲杯咖啡。呢個天氣落到嚟見到霧中若隱若現嘅草千里,真係好有神秘感。如果天氣好嘅時候,草千里一帶原本係遼闊嘅火山草原,今次嘅天氣舖滿薄雪,變成一片蒼涼嘅雪原,有種世界盡頭嘅孤寂,又係另一種味道。但係無論天氣點樣都好,記得一定要買返支阿蘇牛奶,真係超好飲,而且呢度仲有好多阿蘇火山特色嘅紀念品可以買到。