[熊本遊記] 必去景點 - 阿蘇山大觀峰 (Daikanbo) 展望台。

🌋代表阿蘇的絕佳觀景打卡位 - ( , ) 據說「大觀峰」呢個名係喺1922年(大正11年),由熊本出身嘅文豪兼政治家德富蘇峰所命名嘅。相傳當佢嚟到呢度嗰陣,俾阿蘇壯觀而神祕嘅景色所感動,所以就改咗個名叫「大觀峰」,意思即係「觀賞偉大景觀嘅山峰」。當你親身企喺大觀峰望出去,你一定會覺得呢個名真係改得好貼切。 🌋從大觀峰眺望過去,阿蘇五嶽(根子岳、高岳、中岳、烏帽子岳、杵島岳)嘅外型就好似一尊臥佛(阿蘇涅槃像)咁,聽講自古以嚟都被視為神聖之地。 由於阿蘇山本身就係信仰嘅對象,大觀峰以往亦係修行同參拜嘅勝地。 🌋自從1934年被指定為阿蘇國立公園(即係依家嘅阿蘇九重國立公園)之後,大觀峰就被正式發展成旅遊景點,依家仲做埋滑翔傘嘅聖地。見到啲人喺大自然入面玩滑翔傘真係好令人羨慕,嗰個畫面真係型到爆。 ⛳️ 阿蘇山大觀峰 (Daikanbo) 展望台 ✅ 地址 : 2090-8 Yamada, Aso, Kumamoto 869-2313 日本