九州12日秋日之旅行程推介🍁

希望我哋今次12日九州秋日之旅嘅经验可以帮到大家plan行程啦! 行程如下: Day 1 · 抵达福冈机场 · 福冈机场去博多站搭电车只需25分钟,亦可以搭机场巴士。 · 住宿近博多站:Prince Smart Inn Hakata (博多王子智能酒店)。 · 喺福冈人气面包店Dacomecca食Brunch,朝早通常都要大排长龙。 · 舞鹤公园睇秋景、福冈城迹 · 大濠公园,入面有间Starbucks · 博多运河城 (Canal City Hakata) 行街 Day 2 · 酒店食早餐 · 朝早:海之中道海洋世界 · 海洋世界餐厅食Lunch · 下昼至黄昏:海之中道海滨公园,租单车踩入去探索呢个超大嘅花卉公园。 · 晚餐食博多一幸舍拉面 👌 Day 3 · 正式开始自驾游,探索九州。 · 喺博多站嘅Toyota Rent a Car拎车。 · 揸车入由布院,沿途风景好靓。高速公路嘅休息站好干净,仲有好多嘢食同Cafe。 · 泊好车先Check-in:由布院秀峰馆酒店 (Yufuin Hotel Shuhokan) · Lunch:由布まぶし 心 (Yufumabushi Shin),必食丰后牛釜饭 · 逛汤之坪街道、由布院童话村 (Yufuin Floral Village) · 晚餐食酒店隔离嘅拉面 · 记得要浸酒店嘅温泉呀。 Day 4 · 晨早必睇金鳞湖晨雾 (秋冬限定美景) · 早餐:由布院千家 (Yufuin Senke Cafe) · Check-out出发揸车去别府 · 玩转「别府七地狱」 · 喺山顶俯瞰别府:贵船城 · 超正烧肉晚餐:烧肉元相 (Yakiniku Ganshou) · 别府住宿 (1晚):别府湾和藏万代高尔夫及度假酒店 (Grandvrio Hotel Beppuwan Wakura)。超钟意呢间酒店,一定要试吓佢哋嘅室内外温泉,仲有免费雪糕同饮品提供。 Day 5 · 呢间酒店嘅早餐超丰盛 · Check-out出发揸车去阿苏 · 顺路去原尻瀑布 (Harajiri Falls)!非常壮观 · 原尻瀑布附近餐厅食Lunch · 揸车向阿苏进发,中途停大观峰展望台 · 阿苏住宿 (2晚):阿苏白云山庄 (Aso Hakuun Sanso) · 今次自驾游最开心系每晚都有温泉浸 😆 Day 6 · 酒店食早餐 · 揸约1个钟车去著名景点「高千穗峡」。秋天景色好靓,被大自然包围感觉好疗愈。 · 回程返阿苏,顺路去「上色见熊野座神社」 · 晚餐食酒店附近嘅地道烧肉店:Hikoshan (彦山) Day 7 · Check-out · 草千里之滨,一大片靓草地,可以望到阿苏火山 · Kusasenri Coffee Roastery 饮杯啡 · 开始喺熊本寻找《One Piece 海贼王》铜像之旅 · 妮歌·鲁宾 (Nico Robin) 铜像 @ 熊本地震博物馆 KIOKU (个博物馆都好值得参观) · 卓洛 (Zoro) 铜像 · 蒙奇·D·路飞 (Monkey D. Luffy) 铜像,呢度仲有条好靓嘅银杏大道,秋天去打卡一流 · Lunch食KFC,日本KFC真系我食过最好味嘅KFC 🤣 · 熊本住宿 (1晚):熊本花开酒店 (Hotel Blossom Kumamoto)。酒店位于AMU Plaza上盖,环境高级仲有温泉。 · 逛 AMU Plaza · 行一小段路上去花冈山公园,喺山顶睇日落同熊本夜景。 Day 8 · 揸车去佐世保,即系著名荷兰风情主题乐园「豪斯登堡」嘅所在地。 · 途中停靠柳川游船 · 之后揸车去武雄市 · 武雄市图书馆,超靓嘅图书馆,入面仲有Starbucks · 揸一小段车去著名赏枫胜地「御船山乐园」 · 抵达佐世保,豪斯登堡住宿 (2晚):豪斯登堡JR大仓酒店 (Hotel Okura JR Huis Ten Bosch) Day 9 · 酒店食早餐 · 喺酒店搭免费接驳船去豪斯登堡 · 喺乐园玩足全日 · 晚餐:必食相川烧肉 (Aikawa Yakiniku) 嘅佐世保汉堡 Day 10 · Check-out,揸车返福冈 · 喺博多还车 · 转去天神区住宿:福冈天神漫画与书籍昆塔沙酒店 (Quintessa Hotel Fukuoka Tenjin Comic & Books),可以免费借漫画返房慢慢睇 👌 · Shopping时间:天神地下街、天神Uniqlo、One Fukuoka大厦,天神真系超多嘢买! Day 11 · 太宰府一日游 · 隈研吾设计嘅太宰府Starbucks · 太宰府天满宫 · 一兰拉面总店 · 逛天神中央公园嘅圣诞市集 · 博多港塔,免费入场嘅展望台,可以饱览福冈全景! Day 12 · 搭早机返香港 哦,如果想睇每个城市更详细嘅行程,可以去睇返我哋之前嘅Post分享呀。