阿蘇つるや旅館

#日本酒店 阿蘇つるや旅館女將係 Akiko San 。女將(おかみ,Okami)係日本特有既職業,唔係打仗既「楊門女將」,而係溫泉旅館老闆娘,等如現代酒店既 GM。佢地要十八般武藝樣樣精通,因為唔夠腳或缺腳做野時、都要阿信 style捲起衫袖抹地,搵行李,或者落廚上菜洗碗。我永遠都好懷疑佢地一年有冇十日假放。 今次住既房係 Yamabato連一泊兩食,在地朋友幫我 book,大概hk$1400。房型係西式床帶有有屋蓋頂既露天浴池,床褥係席夢思king size。半露天浴池有個窗可以遠望山景遙望星空,好舒服好relax。因為旅館有過百年歷史,所以有D設備無咁 update都意料之事。但料理非常出色,因為阿蘇神社轉過灣就到,所以做好多宴會banquet。菜式會隨氣候改變,不時不食,用在地食材亦用阿蘇泉水烹調。所以旅館亦無負最佳料理旅館之名。