曼谷日式大倉酒店

係今次東南亞之旅，呢間日式大倉酒店係令我最深刻嘅！ 大倉酒店行日式風格🎌，裏面嘅所有裝修，擺設，用具，都以日風為主。啱晒我哋呢啲餓咗咁耐嘅人！ 一入到酒店空間感十足，你需要先搭一程lift 去到佢空中check-in大堂，如果你係日本人，佢哋甚至乎會同你講日文！ 😍😍 喺check-in大堂向上望，你見到成幢酒店都係中空，所以令到佢我嗰種好侷促嘅壓迫感！ 房間空間OK，一張雙人床之後都仲有好多位可以走，牙膏牙刷嗰啲就一般啦，最令人窩心即係佢有日式嘅浴袍等你可以着住喺酒店範圍裏面周圍走！ 酒店係無邊際泳池，雖然你望住嘅對面大廈，但係市中心算係咁啦！ 你照樣可以享受到佢泰式嘅服務質素，即係你要乜，即刻有乜🤤🤤唔好講咁多，即刻嚟返個芒果沙冰同埋芒果糯米飯先！ 高質！ 酒店嘅早餐都分兩款，日式同埋西式自助餐，西式自助餐我哋就成日食啦，咁梗係試吓嗰日式嘅早餐！ 絕對比到日本嘅風味嚟，同埋日本當地朝頭早食嘅早餐其實係非常之相近！ 🤩🤩 其實餐廳嘅酒店我覺得非常滿意，佢有2間日本餐廳，fine-dine，同埋ala cart 餐廳。 就算你去到淨係叫一碟小菜食，佢都有餐前麵包提供。 我個人覺得非常窩心囉。 spa 正正常常啦，冇乜特別嘢需要講！ 酒店樓下就係地鐵站啦，真係非常方便！ 如果你問我，我諗我會再返嚟再住多次囉！ #性價比酒店 #境外遊 #炎夏好去處 #抵玩酒店 #曼谷