球迷朝聖點 - 巴塞隆拿魯營球場

#2022展覽 #境外遊 #星級作家衝衝衝 睇波既朋友都知西班牙勁旅巴塞隆拿球隊，身邊都有唔少朋友係fans，所以嗰次去巴塞隆拿我都有順便去參觀佢地既主場，兼幫朋友買下手信。與其話呢個係球場，我更加覺得佢似一個小型城市，因為裏面除左主場之外，仲有紀念品店、餐廳、酒吧等。喺度都出左唔少血，買左唔少波衫同禮物名信片送俾朋友。可惜主場館嗰日唔開，唔係入埋去參觀仲更加震撼。 我本身少睇足球，但係都幾鍾意巴塞隆拿球隊，除左受朋友影響外，巴塞球隊本身的歷史都係一個傳奇。話說上世紀中，西班牙仍受獨裁者佛朗哥統治，佛朗哥相當討厭以巴塞隆拿為首既加泰隆尼亞民族主義，因此喺佢執政時期，經常喺大小場合打壓巴塞球隊，被迫改隊名和徽號都已經係小事，更誇張既係喺球場放置炸彈，甚至暗殺球隊主席，然而巴塞球隊喺如此艱難的情況下依然咬緊牙關地生存，仲試過攞過三屆聯賽冠軍。幸好守得雲開見月明，笑到最後的人先係勝利者，當獨裁者佛朗哥喺度1975年駕崩後，巴塞隆拿以及巴塞球隊亦都恢復昔日的榮耀。所以下次去巴塞隆拿不妨花一日去睇下呢個球場，保證你有深刻的體會。