〖巴塞隆拿〗《La Brase》 - 浪漫溫馨

早兩日中午時份嚟食過寫意嘅brunch，同好友們都好鍾意依度嘅氛圍，臨行前睇中一間扒房要嚟chill吓，試下夜晚係咪兩種截然不同嘅感覺。參觀完Casa Batlló後散步過嚟，夜晚著咗黃色燈光，氣氛浪漫溫暖。 Gazpacha olives (Complimentary) 細個對於橄欖嘅印象就係嚟自Pizza Hut超級至尊，每次食都一定挑走，估唔到人大咗居然愛上佢嘅味道。依度唔會醃得太鹹，做送酒小食一流。 Pan de doble fermentación con tomate, aceite y sal 3,50 € 依度好興食依款麵包，捽少少蕃茄上面後加鹽同橄欖油，好好味講唔上，但幾清新。 Whole charcoal- grilled lettuce with garlic shoots and shredded desalted cod 8,50 € 歐洲比較少有機會食煮過嘅菜，燒羅馬生菜爽脆香甜。 Bover snails, “El Nacional”-style 16,50 € 細隻蝸牛上加咗芝士一齊焗，但明明個殼都唔食嘅，覺得古怪，唔慣唔鍾意。 Charcoal-grilled handmade Calaf sausage, with French fries. Piece of 250g 14,50 € 腸仔彈牙唔算鹹，白豆軟稔入味，伴上嘅薯條又脆又鬆化，好味。 Chuleton De Terner 52 € 嚟到梗係要試吓佢嘅牛扒，隔咗太耐已唔記得叫咗咩，但印象中燒之前佢有拎舊生肉俾我哋睇感覺高級哈哈。牛肉肉質鮮嫩，有炭燒風味。 計埋酒水，成餐飯食咗131€，可能起初都幾有期望，食完就覺得食物質素尚可，不過可以同好友們摸住酒杯底笑笑說說，享受著無憂嘅時光，好幸福。