放假去咗以宮廷風為主既滾得囍宮廷火鍋小炒店，上至擺盤、餐具，下至裝修都好有特色，門口仲有張龍椅，又可以借古裝服飾影相，滿滿打卡位！

🌟餐廳：滾得囍宮廷火鍋小炒 📍地址：北角馬寶道33號寶馬花園1樓116-125號舖 💰價位：$201-400 ⏰營業時間：星期一至日12:00 - 00:00 📱電話：23313838 放假去咗以宮廷風為主既滾得囍宮廷火鍋小炒店，上至擺盤、餐具，下至裝修都好有特色，門口仲有張龍椅，又可以借古裝服飾影相，滿滿打卡位！ ——————————————————— 🔹 康熙花膠雞湯鍋 兩個人揀半隻雞份量岩岩好，超巨型花膠夠哂厚身，口感爽而滑溜，入口滿滿膠原！雞件嫩滑啖啖肉，雞味濃，份量十足。打邊爐前記得飲返碗香濃雞湯，好暖胃～ ——————————————————— 🔹 貴妃出浴~手切本地牛肉 上枱後店員會倒入北海道3.6牛奶，烚牛肉之前浸一浸，食落肉質特別嫩滑，仲有陣陣牛奶香～手切本地牛肉牛味香濃，肉質爽滑有嚼勁。 ——————————————————— 🔹 手打墨汁墨魚丸 以墨魚、墨汁新鮮製成，入口鮮香彈牙。 ——————————————————— 🔹 新鮮菜苗帶子餃 豆苗青嫩滑潤、帶子爽滑，皮薄餡靚，淥熟後晶瑩剔透，一口一粒岩岩好～ ——————————————————— 🔹 黃金雙拼 用上秘製鹹蛋黃醬製成，金黃鬆脆，賣相好吸引！輕輕淥一淥，入口脆卜卜，夠哂鹹香惹味！ ——————————————————— 🔹 滾得囍五色拼盤 蔬菜拼盤有齊蓮藕片、冬瓜片、紫淮山、蕃茄同薯仔，色彩繽紛，絕對係健康之選～最鍾意紫淮山鮮美爽甜，微甜好有咬口。 ——————————————————— 🔹 足料竹蔗茅根 一大楂冰凍竹蔗茅根清熱又解渴，打完邊爐潤一潤舒服哂～ ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ———————————————————