外點蒸飯、包點、點包～

天氣咁熱，真係連街都唔想出，但..又想同屋企人飲茶食點心，所以最好就買外賣返屋企大家嘆住冷氣食～ 北角地鐵站B1/4出口附近就新開咗間門面簡潔乾淨嘅點心店，除咗有點心，仲有盅頭飯、腸粉、煎炸小食、包點、魚旦燒賣、飲品同包裝小食，幾多選擇～ 我地「 小小哋 」外賣咗呢啲： 每天精選優惠： 《 星期六：無骨海南雞飯 配 椰香濃雞湯 💲37 x2 》啲雞好滑喎，有啲驚喜；黃油飯幾香有口感；個湯有椰子肉而且幾有椰香，唔係一般例湯，$37 幾抵食～ 盅頭飯： 《 鳳爪排骨拼滑雞飯 💲31 》 啲肉幾滑、幾大兜～ --- 包點類： 《 榴槤流沙包 💲22/2個 》& 《 王牌叉燒包 💲14/2件 》好大個，餡都多，一定要熱食！ 《 真係菠蘿包 💲8/個 》內裡係吉士醬及菠蘿肉； 《 叉燒焗餐包 💲8/個 》幾香口～ --- 煎炸物： 《 咸水角 💲14/2件 》多料、幾軟糯； 《 酥炸全雞翼 💲18/2隻 》酥香入味； 《 香煎薑汁糕 💲14/2件 》 煙韌有薑甜； 《 蒜香蝦春卷 $8/件 》好香脆、蝦肉鮮甜彈牙～ 點心： 《蟹籽燒賣 $24 》有豬肉同蝦肉嘅鮮味； 《 魚肚四寶雞扎 💲24 》雞肉滑，魚肚爽，仲有菇同火腿； 《 鮮竹卷 $18 》個皮幾好食； 《 豉蒜排骨 $20 》呢籠比較多骨； 《 豉味鳳爪 $20 》啲皮肉幾爽口； 《 陳皮牛肉球 $18 》全熟會好啲； 《 蜜汁叉燒腸 $25 》叉燒算多但皮薄啲會更好； 《 珍珠雞 💲25 》香糯好味～ Overall，比起另外嘅連鎖點心包點店，覺得呢間性價比較高。 📍包龍星點心專家 (北角) 北角英皇道442-456號美輪大廈地下6號舖 #hkfoodie #hkfoodblogger #美食探店 #探店 #北角美食 #香港點心