特色日本居酒屋

黑木亭居酒屋 (天后) 天后清風街10號清風大廈地舖 同朋友喺銅鑼灣行完街，想搵間坐得舒服靜靜地既居酒屋，飲下野 傾下計，朋友建議去天后黑木亭居酒屋, 餐廳裝修好似🇯🇵日本嘅居酒屋一樣, 有唔同種類嘅日本酒提供, 有一刻我感覺自己似去咗日本咁, 天氣好熱, 我哋叫咗北海道🥭芒果牛乳乳酸 $48同蜜桃烏龍熊茶 $58，兩杯外型都好特別，打卡一流蜜桃茶上面仲有一隻熊仔🐻，另外叫左 帶子海膽青瓜卷 🥒$188 海膽同帶子都好新鮮，配埋青瓜，咬落口爽爽地，夏天至岩 免治雞肉棒🍢（原味,芝士）$58 有兩種口味選擇 分別係原味同芝士 雞肉味香濃點埋蛋黃日本燒汁 ，味道一流 忌廉球炸薯條 🥔$68 芝士配薯條食得多，第一次忌廉球配條薯條，估唔到係咁夾，忌廉酸酸地好易入口又燒製 黑豚荔枝卷(鹽燒,麻辣)🐷 $38 有兩隻味揀 分別係鹽燒同麻辣 未試過麻辣就揀呢個 黑豚用炭燒得香脆可口 夾埋荔枝 酸酸甜甜 好易入口 再加上麻辣 味道好特別 海膽飯團 🍙$88 紫菜包住用用炭燒燒到飯團表面好似飯焦咁 咬落口煙煙韌韌 鋪面既海膽一樣燒到好香