烤雞的忌廉番茄汁蝦球意粉

佢知我一向鍾意食烤雞，就帶咗我嚟呢一間佢話喺鰂魚涌呢一頭好出名食雞嘅舖頭度食飯。大排檔嘅裝修本身好通風幾舒服，可惜今日天公不做美，落雨落得好大，所以坐喺室外嘅我哋有少少狼狽。 ～～～ 本來港女病嘅我仲想埋怨佢，點解帶我嚟食一間要坐喺露天位置嘅餐廳，點知食物嚟到之後我就即刻開心返晒。☺️ ～～～ 第一碟上嘅係我哋嗌嘅西蘭花杏仁片蘋果沙律，一上枱就俾佢嘅大份量嚇親，平時係開中環食飯嘅我，真係好少見呢一個size嘅沙律，超級大兜。蘋果酸酸甜甜，沙律菜好新鮮，加上少少杏仁片、蕃茄仔，同埋燒過嘅西蘭花，整個配搭開胃清新，而且重點係真係好抵食。💕 ～～～ 沙律食到一半之後，我哋嘅薯條炸雞同蒜蓉包就送到。蒜蓉包超級重牛油味，由於本身個人鍾意麵包嘅味道，所以有少少嫌呢個太重蒜味，不過本身食開重口味嘅大舊👦🏻就話啱啱好，好鍾意，大家叫嘅時候可以根據返自己嘅口味叫店家落多啲蒜或者少啲。 ～～～ 烤雞方面，我哋叫咗兩款口味，一款係mixed Herbs，另一款係Peri Peri，整體來講兩款味道都唔錯，我尤其鍾意香香辣辣嘅Peri Peri，醬汁調味非常特別，攞黎點薯條都好合適。另外佢哋嘅薯條好粗切，而且係我鍾意嘅連薯皮炸，薯味幾重。🍟 ～～～ 雖然烤雞無失望，但係如果要話真係覺得驚艷，咁我個人就更加鍾意佢嘅忌廉番茄汁蝦球意粉，意粉軟硬度剛好，醬汁開胃，蝦球彈牙，而且無論忌廉定係算蒜香味都突出，食完一碟都仲覺得意猶未盡，下次再嚟會encore呢一碟。🍝 #下午茶情報#夏日搵食推介#我好掛住#炎夏好去處