旺角韓式燒肉

柞木炭家 旺角 位於T.O.P商場入面嘅一間韓式燒肉餐廳有唔同種類嘅韓式食品同肉類，餐廳環境衛生都唔錯，而且位置寬闊，坐得舒服。入座後店員就會先上幾款韓式前菜，前菜食完可以再refill， 部份肉類店員仲會主動上前幫手燒。 擔擔味噌茄子 用涼拌嘅方式去整茄子都比較少食，味道都唔錯，而且茄子比想像中淋。 。 方切和牛 肉質來講比較紮實，就咁睇到肉嘅油脂比例都唔高，所以食落係比較有咬口嘅一款肉，連埋泡菜一齊都幾好食。 。 韓牛肋眼上蓋 呢款韓牛嘅雪花分布好平均，油脂比例高，食落嘅肉質好嫩，而且有入口即溶嘅感覺，無論係夾泡菜食定就咁食都好食。 。 大墨魚 墨魚好新鮮，口感好彈牙，不過本身冇咩味，所以就要另外配其他調味一齊食。 。 汁燒豬皮 豬皮好肥好多油，但燒到表皮香脆之後，食落真係好香，不過食唔到多，就會好快覺得油膩。 。 和牛三文治 無論賣相同味道都好推介既一款，和牛先經過醃製，先煎香左表面之後，再夾烘底嘅三文治。咬落去肉質仲好軟好濃牛味，調味唔會冚過左啲肉味。 。 檸檬柚子梳打 酸酸甜甜都幾fresh，食咗肉之後可以解下油膩感。 。 📍 旺角彌敦道700號T.O.P This is Our Place 5樓501號舖 #thecharcoalroomhk #thecharcoalroom #koreancuisine #koreanbbq #柞木炭家 #柞木 #韓國菜 #韓燒 #燒肉 #和牛 #韓牛 #koreanfood #旺角 #旺角美食 #foodiehk #hkfoodie #hkfood #foodhk #food #foodie #香港美食 #美食 #食 #食べスタグラム #食好西 #topcitybiteshk #topcitybites #hkfood #hkeat #hkig #hongkongdelicacies #deliciousfood