麻煩整碗拉麵來，齊享受昭和時代

餐廳：拉麵來 (尖沙咀) 地址：尖沙咀加拿分道25-31號國際商業信貸銀行大廈地下8號舖 喺大坑好出名嘅拉麵來 @ramenkureha 一直喺果區嘅人氣店🍜，佢嘅第2分店喺2021年7月尾由旺角搬到尖沙咀，今次平日中午去食都坐滿晒客人，入到去仲好有surprise 添🎉 透明玻璃設計隱約見到餐廳入面嘅裝修，佈置以日本昭和時代嘅懷舊日本風為主題🎎，昭和嘅風格同特色有好多延續大正時期嘅元素，同時包含住和洋味道，帶比人一種懷舊同好warm嘅感覺，純樸而充滿童年色彩🪆 大坑店主打豚骨湯拉麵，而尖沙咀就主打牛尾湯同海老湯拉麵。午市有拉麵套餐，$92就有一碗拉麵、一款小食同一款飲品，比起午餐以外時間抵食好多👍，仲唔收加一，對比起一般拉麵店嚟講真係抵食🤑，另一樣比較特別嘅喺佢哋嘅拉麵可以揀軟硬度而湯底可以揀濃度，整一碗最適合你嘅拉麵😌 ✝️牛舌牛尾湯拉麵 $108 話明喺尖沙咀分店嘅主打緊係要試吓啦，不過呢款拉麵就要加$16，即喺$108，小食就要咗隻日本糖心蛋🥚。牛尾湯底用咗牛脊骨同牛尾熬煮最少六個鐘頭🐮，面頭仲加咗黑椒、香蔥同香荀，未食就已經聞到好香濃嘅牛肉味道，飲落仲一啲都唔鹹唔涸喉，用咗真材實料去煮👏；兩塊嘅安枱斯厚牛舌用上鰹魚同昆布湯醃製，咬落軟嫩帶有少少煙韌口感🤏，確實無介紹錯😎 ✝️山葵蟹肉拌麵 $128 呢個喺期間限定嘅麵款，拉麵一上枱，陣陣蟹香已經即刻撲鼻🤤，一堆蟹肉碎堆砌咗喺拉麵上面🦀，碗邊有Wasabi，另外比咗枝蟹醋，將Wasabi、蟹醋、青檸汁、海苔絲、洋蔥絲撈勻蟹肉同拉麵嚟食，蟹味鮮甜唔腥，喺幾吸引嘅🤩 ✝️免治雞軟骨串 $34/2串 味道有啲似平時食開嘅雞肉串🐔，中間食到有軟骨碎，麻油香同醬油香令雞軟骨串更惹味，亦唔會過濃而蓋過咗本身嘅雞肉香，值得一試😃 跟餐加$18可以轉做特式飲品，要咗枝綠茶可樂同山葵姜味汽水，喺日本地道嘅飲品🇯🇵，不過比我想像中無咁特別，前者有輕輕綠茶香🍵，而後者就以淡淡薑味為主，想試新嘢都可以叫吓嘅🤪 #抵玩酒店 #郊外好去處 #人氣展覽 #本地遊 #境外遊 #foodie