抵食高質韓燒套餐

繼續韓燒之旅，今次黎到位於太子嘅炑八。餐廳已經推出咗聖誕節套餐，都幾豐富。我哋叫咗呢款名品豬扒Wee嘩聖誕夜套餐($498)，個餐包咗名品大王豬扒、葱蒜牛五花、和牛肩肉、醬油豬五花、雞頸肉同紅蝦。 除咗一般韓國餐廳例牌會有好似泡菜、芽菜、醃蘿蔔等等嘅任食前菜，呢到竟然仲有魷魚遊戲入面嘅椪糖，有得玩又有得食，挑戰成功仲有燒肉送😂。 燒肉嘅質素唔錯，塊大王豬扒勁大塊，本身用醬油醃過，夠哂入味，就算燒耐咗都唔會變得好乾。 和牛肩肉肉質稔嫩，油脂分佈平均。牛五花牛味香濃，可惜咁岩有d筋位有少少韌。 紅蝦好大隻，食落啖啖肉，而且已經事先處理挑去腸臟。 我哋仲另外追加咗特級牛肋骨($198)，牛肋骨原條上都好大份，剪開可以鋪滿成個烤盤，肉味香濃。 烤爐邊有泡菜蛋同拉絲嘅粟米芝士，可以配搭烤肉一齊食，重點係仲可以無限refill，正! 飲品我地叫左柑橘鮮橙果茶($48)同薄荷荔枝梳打($38)，特別推薦柑橘鮮橙果茶，果味濃郁又清甜好refreshing。 。 。 炑八韓烤(太子店) 太子彌敦道749號歐亞銀行大廈地庫 。 。#香港好去處 #foodie #本地遊 #12月去邊