銅鑼灣篇：來來雞煲回歸

得知來來雞煲回歸，即刻黎試下。 除左招牌雞煲，仲有其他鍋底可點，見到雞湯鍋底又想試～ 金湯花膠瑤柱雞 打邊爐鍋底係靈魂，湯頭既嫩雞精華，配埋花膠、杞子、瑤柱，湯味超鮮甜濃郁。 落配料前先嚐兩碗熱雞湯，落肚即刻有暖胃感又味美，雞肉仲好鮮滑。 阿來牛肉卷 呢份牛肉卷有驚喜，一份兩串，牛肉切片卷住芫茜香芹條用竹籤串起，紅中一點綠有強烈觀感對比，口感強勁香氣十足。 西班牙黑毛豬 半份4片薄薄地脂肪勻稱，落湯烚熟好快轉色食得，肉質鮮甜嫩滑好掛湯，肉味相對濃厚，原味食好鮮香～ 鮮松露墨魚滑 墨魚滑貴精不貴多，未入口已經陣陣松露氣味，咬開更散發松露香，配合墨魚滑肉既鮮爽，係食過咁多間之中最好味 爽脆白鱔片 白鱔片厚薄度剛好冇碎骨，鱔肉白嫩紋理清晰，熟透後入口有嚼勁，不用加配任何味料佐吃。 鮮鵝腸 腸身鮮粉嫩色又有光澤，加埋少少腸脂食起黎唔會有柴皮感，好鮮完全無異味～ 桂花蚌 半份都有6隻，水盈透亮，灼熟夾起size冇明顯縮水，咬落超爽脆兼有咸鮮度。 鮮滑牛 大大片，肉質香滑鮮嫩 🥢阿來客棧 銅鑼灣渣甸街50號渣甸中心25樓 #foodie #銅鑼灣美食 #雞煲