別出心裁日式私房菜

銅鑼灣開咗一間新嘅日式私房菜 主打預約形式嘅高質日式宴會 食材除咗由🇯🇵日本直送外 亦會即日到本地市場採購 保證食材係最新鮮 菜式精緻亦好有創意 有驚喜之餘性價比亦高 -矓- $1,280/位 廚師發辦一共有三款唔同嘅套餐，今次我哋食嘅係入門價位「矓」，以日本毛蟹為主打，一共有12品菜式。毛蟹好生猛好大隻，有足足兩斤，真係睇到流哂口水😍 🔸金鯛刺身 一共有三片，每片色澤都好亮麗，可見係好新鮮。食落唔腥好鮮甜，肉質實正有咬口，點埋秘製酸汁食就更突顯到鮮味☺️ 🔸刺身拼盤 相當之豐富，有毛蟹、赤貝、牡丹蝦同埋帶子。毛蟹浸完凍水新鮮拆肉，非常原汁原味，蟹味好濃，肉質彈牙。其他刺身都好新鮮好味😋 🔸毛蟹杯 杯內裝住新鮮毛蟹肉，蟹肉上面有三文魚籽，底部係蟹黃，將所有野撈埋之後包住紫菜食，呢種食法估唔到又幾正，三種食材味道口感都好夾😆 🔸生蠔 呢隻生蠔🦪係來自日本岩手縣，相當之肥美大隻，一啖放入口真係好滿足，肉質鮮甜。 🔸吞拿魚面肉 吞拿魚嘅面肉真係第一次食🤣師傅喺表面燒到焦香效果，食落肉質好軟綿，油脂味好香 🔸燒牛三角 牛肉選用咗日本姬路🥩和牛，級數去到B.M.S 12級，平時食嘅A5和牛都係去到8級。食落油脂感好強，入口即溶，牛味亦好香濃🤤 🔸蟹皇茶碗蒸 一打開蓋見到滿滿嘅蟹黃🤤師傅選用咗大閘蟹、毛蟹同埋阿拉斯加長腳蟹嘅蟹黃混製而成。蛋亦都蒸得好滑，同蟹黃係完美配搭😆 🔸野菜煮物 煮物包括有大根、蝦丸、毛蟹肉、南瓜同埋蘿蔔。大根炆得好腍，蝦丸用鮮蝦肉搓成，十分彈牙，配埋蟹肉芡汁一齊食好惹味🤩 🔸西冷壽喜燒 同樣係用咗姬路牛嘅🥩西冷位，油脂分布好靚，食落非常嫩滑，點埋日本雞蛋🥚黃食就更加滑溜。配菜有咖啡菇、玉米🌽同埋娃娃菜，配埋個汁食好正😋 🔸鮑魚毛蟹飯 賣相好精緻，汁用毛蟹🦀殼炒香撞熱水熬製而成，所以好濃蟹香味。鮑魚用咗膽汁去煮，好入味好彈牙👅 🔸白魚湯 呢個湯用咗黃腳鱲同埋蜜金鯛魚🐟頭煎香後撞熱水而成。飲落魚嘅鮮甜味好濃，完全唔腥 🔸靜岡蜜瓜 靜岡縣嘅蜜瓜🍈相當出名，味道好甜好清新 #CABLfoodreview 食物：⭐⭐⭐⭐⭐ 環境：⭐⭐⭐⭐ 服務：⭐⭐⭐⭐⭐ （5星為滿分） 📍曜 銅鑼灣登龍街28號永光中心16樓 #hkfoodpic #foodstagram #foodiegram #foodiepic #foodporn #foodpic #foodphoto #foodshare #dinner #cwbfood #foodiehk #852food #cwb #曜 #吃貨人生 #晚餐 #食評分享 #餐廳 #食評 #銅鑼灣美食 #美食日記 #相機食先 #銅鑼灣食乜好