餐廳採用多款日本直送新鮮時令食材，食物質素高，加上師父親切又專業~

🌟餐廳：遖 📍地址：尖沙咀漆咸道南115號達成商業大廈7樓 💰價位：～$400 - $800 ⏰營業時間：星期一至日12:00 - 22:00 📱電話：9170 2433 ✨夜之御品書✨ 好友升職加薪，開心請成班朋友食omakase，今晚揀咗位於尖沙咀漆咸圍既樓上omakase隱世小店 - 「遖」，即刻介紹下比大家先～ ——————————————————— ✨前菜盛合 🔸海鰻BB -細嫩幼滑既海鰻BB 入口滑順，鮮味濃郁，加入蘋果醋、紫蘇花及萬能蔥更能提鮮~ 🔸螢光魷魚 -螢光魷魚充滿海水鮮味，搭配蛋黃味噌醬咸香味濃~ 🔸梅酒串茄 -車厘茄以梅酒漬制，食落微微酸，梅酒味濃厚，好開胃~ ——————————————————— ✨刺身海鮮 🔸北海道象拔蚌 - 入口鮮甜，肉質好爽彈，搭配柚子鹽黎食更滋味~ 🔸真鯛 -真鯛呢款白身魚既肉質好緊緻，入口滑順鮮甜~ 🔸汁煮八爪魚 -以木魚熬制醬汁醃漬，味道濃郁，肉質爽彈，加埋Wasabi葉一齊食，鮮味更突出~ 🔸栗蟹蟹肉及蟹膏 -粟蟹既蟹肉及蟹膏既味道最為濃郁，夠哂新鮮鮮甜~加入青檸汁及柚子皮，食落特別清新解膩~ 🔸鮟鱇魚肝三文治 -好有創意~師父以汁煮蘿蔔包住鮟鱇魚肝，形同三文治，食落每一啖都感受到魚肝既濃香棉滑及蘿蔔既清甜，呢個組合好出色，必試~ 🔸子持魷魚 -我同朋友仔既至愛~魷魚既魚籽爆滿，口感一流~ ——————————————————— ✨手握壽司 🔸北寄貝 -北寄貝肉身大大件，夠爽彈 ~ 🔸沙甸魚 -沙甸魚用醋漬方法漬制，帶點微酸更能提升魚香味道~ 🔸銀鱈魚(刺身級) -味道甘香，刺身級既銀鱈魚味道超濃郁，好正~ 🔸鯖魚 -肉質厚身，以紀洲梅醬搭配更突顯濃郁魚香味~ 🔸馬糞海膽 -入口超creamy而且份量十足，海水咸鮮味濃~ 🔸大拖羅 -大拖羅經火灸後溢出魚油，魚脂感豐富，味道濃郁~ ——————————————————— ✨玉子燒 - 師傅準備左布丁玉子燒，質地Q彈滑身，食得好滿足~ ——————————————————— ✨魚湯 -用上是日omakase既魚肉魚骨熬制，湯底超清甜~ ——————————————————— ✨靜岡蜜瓜＋蕨餅 -最後以靜岡蜜瓜＋日式蕨餅作結，好滿足~ 靜岡蜜瓜多汁香甜，日式蕨餅搭配自家制紅豆蓉，口感煙韌~ ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ——————————————————— 👅整體小總結 餐廳採用多款日本直送新鮮時令食材，食物質素高，加上師父親切又專業~ 簡約和風裝修，環境簡潔寧靜，用餐氛圍令人好舒適~值得一提，所有店員既服務都好親切及有禮，抵讚~