鹿兒島黑牛嘉年華🐮

早前誤打誤撞俾我哋發現到呢個promotion 啲相都影咗一排㗎啦 不過都想同大家分享返 台式小食勁多選擇🥺原來平時食性價比都幾高 ❣️日本JA全農和牛嘉年華 - 日本一鹿兒島黑牛套餐 $598/兩位 我哋揀咗藥膳湯底 藥材紅棗肉塊越煮越入味 養生得嚟仲要冇平時嗰啲咁熱氣😆開波之前每人都忍唔到飲咗兩碗 🥢鹿兒島黑和牛 人頭一碟 一份有10片 都幾大塊下 我哋就係比呢個吸引咗入嚟㗎咋🤤淥一淥就食入口即溶好綿好正 逐少逐少食慢慢享受 可以幻想自己置身日本 🥢肉類 食完重點之後 仲可以狂嗌肉㗎☺️而且選擇都幾多 分別有美國極佳牛肩胛肉 澳洲特選牛肉 上選安格斯牛肉 美國牛板腱 牛胸爽 美國豬梅花 紐西蘭羊肉袋 阿嬤燒酒雞🐥 我哋第一次試牛胸爽果然物如其名 煮咗好耐好長時間依然保持爽口🙈因為我哋係藥膳湯底嘅關係 嗌咗燒酒雞加落去試試 果然幾入味 藥材味中帶點酒香 十分唔錯 🥢海鮮 呢個價錢有得食埋海鮮真心唔錯 海班片 鯛魚片 墨魚仔 海蝦🦐 海蜆 墨魚滑 魚青滑 任嗌任食 超推海班片非常嫩滑 另外魚滑煮耐左唔記得撈起咬時依然彈牙😯鍾意食嘅朋友真係可以食多幾份 海蜆食落無沙粒 粒粒都打得開 頗鮮甜好味 🥢台式小食 見到打邊爐任食都已經咁多選擇 估唔到出面美食吧完全係比小食包圍住😨台灣鴨血 逢甲米血糕 十三香滷三寶 小籠包 古早香腸 三杯豆芽 酥炸花枝丸 香芋地瓜圓 藥膳雞腳 全部任食 想話個滷水煮得超級入味 豆腐魚蛋豬腳蘿蔔全部都由外滲到內😗咬開中間都有滷汁噴出嚟 而鴨血煮到麻麻辣辣 好好味 仲裝咗啲返去等佢湯底度熬湯添😛 🥢飲品 除咗一般果汁汽水 佢仲有自家泡製嘅茶飲🍵當日有玫瑰紅茶 梔子花綠茶 桂花烏龍 三款 啱晒好似我呢啲唔鍾意飲甜嘢嘅人 🥢甜品 有香港本土品牌Cocoberry 雪糕嘅港式奶茶 沖繩海鹽🍦同埋韓國MELONA 芒果 蜜瓜雪條 都算有誠意 唔係一般放題嗰啲雪糕 糯米糍 事後睇返原來平時都有和牛任食㗎 只不過產地會係澳洲🦘同今次期間限定嘅日本牛未必一樣 但諗返起咁多台式小食任夾任食好爽 未飛到台灣之前就過嚟頂吓癮啦🥹 - 🫧犇殿台灣火鍋(德福廣場一期) 九龍灣偉業街33號德福廣場一期1樓F1號舖 #etlulu九龍灣 #etlulu九龍 - #九龍灣 #香港食咩好 #食好西 #手機食先 #吃貨 #九龍灣美食 #香港美食 #香港好去處 #九龍美食 #九龍灣好去處 #相機食先 #冬天必食 #打邊爐 #海鮮鍋 #台灣火鍋 #台式火鍋 #麻辣鍋 #藥膳鍋 #養生鍋 #鹿兒島和牛 #日本和牛 #手打丸 #朋友聚會 #台式小食 #任食 #三杯雞 #海鮮任食