沙田人氣Burger

沙田新開咗間人氣Burger，Honbo 係2020年全球最佳漢堡唯一入榜既香港Burger 店，我梗係要去食吓啦。 由醬汁、漢堡扒和麵包，都係餐廳親自製作，漢堡扒混合咗多種牛肉部位製成，例如本地牛腩、美國牛肩，所以牛味濃郁。 Cheese burger $98 漢堡麵包鬆軟，4 oz 牛肉漢堡份量十足，入口帶有濃郁嘅牛肉味、肉汁豐富，配埋芝士口感豐富，仲有酸瓜、洋蔥、生菜、Honbo自家醬汁。 Honbo $98 兩塊2 oz 牛肉漢堡，層次分明，咬落去每一口都食到濃郁牛肉芝士香味。 Fries $38 雖然薯條係幼身，但係都會食到外脆內軟，調味恰到好處 Tator tots $38 份量多，薯寶炸到外邊脆卜卜，薯仔味香濃，每咬一口口感豐富、食到停唔到口。 總括而言：我哋仲叫咗兩枝可樂，買單都係三百零蚊。完全感受到佢哋製作burger嘅心思仔細美味，係高質漢堡包，而且份量多、性價比高……. Honbo (沙田) 沙田正街18號新城市廣場3期3樓A326號舖 #香港美食 #foodie #香港好去處 #hkfood #hkfoodblogger