【#銅鑼灣美食：抵食台式石頭火鍋🗿✨】

想食台式火鍋，任食可能係一個選擇，但有時覺得食唔夠本又唔抵（笑），而且如果想食靚啲嘅食材，體驗一啲新食法，不如試吓呢間牛大人嘅副線「爆爆鍋」啦！ 餐廳係半自助形式，一人一鍋，最平石頭火鍋套餐只需HK$78起，除咗自選嘅套餐同追加嘅食物外，仲可以去自助區拎蔬菜食，都有成10款㗎～好抵食！不過，我淨係試咗自助區1舊超甜嘅粟米，再食埋原本個套餐已經超級飽。埋單前，店員仲要送埋2條脆皮雪條畀我哋添☺️✨ ✍🏻 /綜合海鮮拼盤套餐 ▪價錢：HK$148 ▫️夜市養生掛骨鍋 +HK$20 ▫️選配新竹米粉 ▫️追加懷念鹽酥雞+HK$22 ▫️追加真心橙意翡翠+HK$14 ▪️美味指數：♥♥♥♥♥ 海鮮拼盤入面有4款海鮮，包括3隻虎蝦、約4舊鯛魚柳、一堆沙白同鮮魷，虎蝦鮮甜彈牙，其他海鮮性價比都十分高。套餐額外仲配有一份雜菜盤，有豬肉丸、蟹柳、蕃茄、生菜、響鈴、豆腐、芋頭、冬菇同沙白，所以細食嘅話，真係未食到自助區嘅蔬菜已經飽咗。 平時去台灣夜市都好鐘意食藥膳排骨，今次試埋呢個「夜市養生排骨鍋」，都有藥膳味，仲有2條大排骨，配埋超幼身嘅新竹米粉，打邊爐都邊到好養生咁🤭✨ 而追加嘅「懷念鹽酥雞」外脆內嫩，配埋適量調味粉，惹味升級，份量2個人食足夠有餘。再配埋橙味濃嘅「真心橙意翡翠」，解渴又開胃，仲食到好多粒粒蒟蒻添😋✨ ✍🏻 /SRF極黑牛前肩肉套餐 ▪價錢：HK$168 ▫️爆炒櫻花蝦鮮鍋 +HK$12 ▫️選配白飯 ▫️追加夜市炸魷魚 +HK$28 ▫️追加蘋果醋QQ冰紅茶+HK$14 ▪️美味指數：♥♥♥♥♥ 店員先幫忙爆炒「爆炒櫻花蝦鮮鍋」，有櫻花蝦、章魚乾同薑蔥，香味撲鼻，跟住再放上一片SRF極黑牛前肩肉落去炒，香味四溢，再加水煮，滾咗就食得。SRF極黑牛前肩肉油花細緻，肉質具彈性，牛味濃厚，朋友都話好味，推薦🐮✨ 「夜市炸魷魚」啲魷魚比想像中大，配上一層薄薄嘅炸粉，夜市風味出曬嚟～咁嘅價錢好抵食！ ✍🏻 /麻辣鴨血 ▪價錢：HK$32 ▪️美味指數：♥♥♥♥♥ 食台式火鍋點少得鴨血，雖然今次冇叫到同鴨血最夾嘅麻辣鍋，但都係要食鴨血先過癮🫡✨ 💬派心心時間 ▪️埋單價錢：約HK$503/2人 ▪️美味：♥♥♥♥♥ ▪️抵食：♥♥♥♥♥ ▪️服務：♥♥♥♥♥ ▪️環境：♥♥♥♥♥ 💬親身試一試 ▪️餐廳名稱：爆爆鍋 (銅鑼灣) ▪️餐廳地址：銅鑼灣軒尼詩道489號銅鑼灣廣場一期1樓109號舖 . . . #hkfood #food #foodlover #foodporn #foodpic #foodie #hkfoodie #hkig #photography #hk #hkgirl #hkcafe #foodblogger #hkfoodblogger #食評 #香港美食 #香港好去處 #相機食先 #吃貨 #香港攝影 #香港打卡 #火鍋 #爆爆鍋 #台式火鍋 #台灣 #台灣美食 #打邊爐 #九龍美食 #肉 @baopot.hk