滿地餐廳

今次想推介一間位於灣仔但近銅鑼灣嘅鐵板餐😋 一去到門口就見到大大隻機械人🤪 同埋好快就聞到鐵板餐嘅香味 搞到等位嘅時候已經好肚餓😍 重點係佢價錢超抵食 而且食物質素好過好多大集團👍🏻 鐵板扒有10款選擇 價錢$68-$88不等 包飲品、頭盤、主菜、配飯 / 意粉😋 超級抵食👍🏻 另外仲有5款鐵板燒 價錢$57 包飲品😍 揀完食咩之後可以去醬汁吧揀自己中意嘅鐵板汁 佢有黑椒汁、燒汁等🥰 🔹鐵板扒 - Mundi牛柳🐮 推介❤️ 估唔到有得揀要幾成熟👍🏻 我地叫左5成熟 切開d肉仲係好粉嫩😋 咬落肉質超淋 又有牛味😍 $88包頭盤、飲品 有咁嘅質素真係超級抵食🥰 🔹鐵板燒 - 坑紋鹹燒牛脷 + 煎嫩雞扒🐣 鹹牛脷有三大塊 幾厚切😋 食落肉質好嫩 唔會好鞋😍 加$8可以追加多塊雞扒🤪 紫菜飯有燒汁、紫菜就咁食都好正👍🏻 🔹炸單骨雞翼🐣 正常發揮 唔太驚喜🤪 🔹朱古力雪山🍫 呢杯要另外加$6🤪 上層嘅cream好邪惡😋 不過比想像中冇咁甜、冇咁漏 幾濃朱古力味😍 🔹凍檸茶🍋 . 整體✨ 佢近銅鑼灣市中心 食完可以去行街👍🏻 星期五晚去到要排一下隊 好受歡迎😍 鐵板餐質素好高 而且價錢超親民 完勝好多大集團😋 估唔到咁嘅價錢可以食到高質鐵板餐 值得再三支持！ 滿地餐廳 地址: 灣仔天樂里3-5A號僑康大廈地下C號舖 #hkfoodie #foodie