日式豚肉串燒居酒屋mokumoku yakiton

放工後與好友相聚。去咗銅鑼灣MokuMoku Yakiton，居酒屋主打日式豚肉串燒，供應唔同嘅豬部位。 一坐低，店員就先送上前菜。酸酸甜甜嘅蕃茄，非常開胃。 刺身拼盤+明太子沙律 拼盤攞有牡丹蝦、三文魚及帶子刺身。牡丹蝦好新鮮，鮮味十足。三文魚厚切，入口肥美。帶子鮮嫩柔軟，鮮味濃郁。明太子沙律好有驚喜，口感爽脆又帶有鹹香，正！ 西班牙黑豚肩肉串燒 肉味香濃，口感紮實彈牙，不過略為燒得乾咗少少。 紫蘇豬肉卷 豬肉燒至油香滲岀，紫蘇葉獨有嘅芬香恰好平衡膩感，推薦。 蒜芯豬肉卷 包住蒜芯，味道同清香嘅紫蘇葉截然不同，味道比較濃郁，各有特色。 雞翼串 呢度除咗有豬，亦都有其他常見嘅串燒。雞翼燒至皮脆肉嫩，水準不錯。