香港數一數二好食嘅omakase 🍣 {刺身篇}

已經係第四次去鮨燐食omakase啦😊 呢間絕對稱得上係我嘅愛店之一🥰 對上一次黎已經係2021年尾，好難得過咗年半都冇加價！(笑😂) 自家釀梅酒（$88） 自家釀梅酒梅香十足，甜度稍高，欣賞加入梅蓉，增添口感。 揀咗最豐富嘅set ($1880) 先付: 德島白飯魚仔配酸汁蘿蔔蓉、白梅貝、靜岡糖蕃茄水雲 7種刺身： 三重県目仁奈+ 鹿兒島親子鯛 目仁奈較有咬口，越嚼越滲有魚味，少許竹炭鹽有提鮮效果。親子鯛𠝹花漂亮，肉質細嫩，摘下紫蘇葉花同吃，味道淡雅清香。 水八爪魚腳與吸盤 水八爪魚本身味道較淡，主要靠酸汁啫喱調味，但口感好正。水八爪魚腳腍而有咬口，吸盤口感爽脆。 岩手扇貝 +宮城赤貝 扇貝同赤貝都非常新鮮，鮮味爆燈，扇貝口感柔軟，赤貝爽脆鮮甜！ 黑睦魚 魚味突岀，配搭風味同樣較重嘅檸檬麵豉醬我就覺得略為遮蓋咗魚味。 長崎小長井牡蠣 生蠔肥美飽滿，海水味突出，鮮味餘韻悠長，加咗少少辣汁刺激味蕾，幾特別。 銀鱈魚 銀鱈魚油份豐沛，外皮炙燒後逼岀油香，巧妙地配搭wasabi莖蓉，平衡膩感。 北海道毛蟹 唔需要仼何調味，只係食毛蟹嘅原味就夠啦！