被鮨燐的雙重海膽杯所吸引😍值回票價

鮨燐主打傳統江戶前壽司，無論食材嘅選用、手法嘅處理以及服務嘅態度都依舊做得細緻入微。就好似宜家貝類雖然當造，但我鍾意食時令魚多d，師傅就會主動了解我哋嘅口味而有所調適，而非每組客人一式一樣，真正做到廚師發辦嘅精髓。而且每次黎師傅都會主動講解好多知識，令人滿意嘅用餐體驗☺️ 和食： 天婦羅拼盤有目光魚、洋蔥及一種蒛科植物。炸漿好薄，蒛科植物天婦羅有驚喜，外脆內清甜！ 6種壽司： 鳥貝 鳥貝用料新鮮，師傅一拍就縮，口感彈牙爽脆，鮮味十足。 新鮮沙甸魚 師傅聽到我鍾意食濃味魚，所以特登安排幾道魚味較突出嘅！第一道有我至愛嘅沙甸魚，魚油豐潤，魚味濃香，師傅特登炙燒埋個飯，等油滲落去，食完魚味同油香濃到喺口腔縈繞😛 長崎県鯖魚 鯖魚同樣魚味濃烈，舖上一層薄薄嘅蘿蔔漬片，酸甜清新。 醬油漬鰤魚 以醬油漬處理，係傳統江户做法。鰤魚體積大，油份豐盈，醬油鹹香提鮮，不過呢款壽司嘅wasabi就下手較重，有少少搶去焦點。 雙重海膽杯 下層係滿滿嘅北海道馬糞海膽飯，每啖飯都充滿海膽嘅鮮味，舖上面嘅則係北海道函館白海膽，白海膽味道更甜更鮮。 吞拿魚赤身+腦天層層疊壽司 吞拿魚赤身魚味突岀，腦天則魚油豐潤，入口即溶，配搭紫蘇葉、京蔥及紫菜，多重口感，味道豐富。 和食: 鵝肝多士配鰻魚汁 法國菜就鵝肝配黑醋，呢度就改為配wasabi，一樣有異曲同工之妙。 麵䜴湯 用上三種麵䜴製成，味道較有層次，入口亦比其他麵䜴湯稍甜。 抹茶奶凍 餐廳常駐甜品，奶凍用北海道3.6牛乳製成，奶味香濃，淋上回甘嘅宇治抹茶醬，甜而不膩。