Omakase @ 鮨燐

不知不覺已經結婚3週年，是皮婚呢！老公知我鍾意食日本嘢，就帶我去咗鮨燐食omakase慶祝！ 我哋揀咗$1880嘅set 😚 先付: 德島白飯魚仔配酸汁蘿蔔蓉、白梅貝、靜岡糖蕃茄水雲 靜岡糖蕃茄甜度爆燈，配搭酸酸地嘅水雲，非常開胃！白梅貝都好新鮮！ 刺身： 目仁奈及親子鯛 目仁奈加咗少許竹炭鹽，咀嚼時魚味更加濃郁。親子鯛魚肉鮮嫩，配搭新鮮紫蘇葉花，增添清香。 水八爪魚腳與吸盤 水八爪魚味道雖然比較淡，但我好鍾意佢嘅口感好正，嚼勁十足，吸盤卜卜脆！ 宮城赤貝及岩手扇貝 而家貝類當做，所以師傅都特意安排幾道貝類，果然，扇貝同赤貝不論口感同味道都都非常新鮮，唔需要調味都已經超鮮！赤貝新鮮到師傅一拍就縮起，口感勁爽脆！ 黑睦魚 黑睦魚本身魚味較爲突出，但配搭檸檬麵豉醬還是略嫌風味太重，搶去魚料味道。 長崎小長井牡蠣 生蠔好肥，蠔身飽滿，海水味出，食完蠔味喺口腔縈繞，好正。師傅加咗少少辣汁，辣辣地，味道好有層次。 銀鱈魚 師傅炙燒銀鱈魚，令肥美嘅銀鱈魚逼岀油香，入口即化，再聰明地加上芥末莖蓉，恰好平衡膩感。好食！ 北海道毛蟹 冇諗過呢晚竟然食到蟹呢！學師父話齋，新鮮嘅蟹係唔需要仼何調味已經好鮮好鮮！