旺角｜長期人氣高企牛大人｜抵食台式火鍋！

📍牛大人台灣火鍋吃到飽 (旺角) 牛大人真係食極都唔會厭😚，永遠都係我嘅打邊爐首選！今次嚟到旺角荷李活商業中心嘅分店，環境好闊落。坐低揀好湯底就可以掃QR code落單，店員嘅送餐效率好高👍😺，仲唔會漏單~ 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫: ▪️澳洲極上和牛吃到飽 ($328) 湯底選擇咗牛大人紅燒牛骨鍋❤️，味道好香濃，仲帶有少少辣度！呢個套餐會送每客2粒🌟澳洲M9和牛牛丸，肉味好香，口感彈牙，仲有好多肉汁！ 肉類方面最推介❤️‍🔥澳洲和牛M5牛肩卷，紋理色澤靚之餘，肉質仲好幼嫩，且肉汁豐富。🐮安格斯特選牛板腱都好正，牛味會更香濃！另外都有雞肉同豚肉選擇，質素都唔錯㗎。 海鮮方面都好新鮮，🦐海蝦好大隻，而蜆肉唔會有沙。另外佢哋嘅海鮮漿有好多款選擇，最鐘意蟹籽墨汁漿同澎湖花枝漿😙，好足料同好彈牙，入口有嚼勁。 佢哋仲有多款台式小食提供，如鹽酥雞、小香腸等，好有特色👏！另外😍麻辣鴨血都係必食嘅，質感超滑嫩，但記住要落鍋煮一陣先好食呀！台式蛋餃同台式蝦餃個皮好薄，餡料豐富，值得一試。 飲品方面推薦佢哋嘅自家製冷泡茶🍵，味道清香。最後埋單時店員會比甜品紙我哋🍨，可以揀雪糕或者仙草凍，好滿足！ 𝑨𝑫𝑫𝑹𝑬𝑺𝑺: 📍旺角彌敦道610號荷李活商業中心地庫 B1/F, Hollywood Plaza, 610 Nathan Road, Mong Kok #牛大人台灣火鍋吃到飽 #牛大人 #台式火鍋 #火鍋 #打邊爐 #hkfoodie #foodiehk #hkfood #HongKonger #foodstagram #hkfoodlover #hkfoodstagram #hkigfood #hkfoodblogger #香港美食 #旺角美食 #hkfoodblog #hkfoodshare #hongkongfood