洋食和食有特色，Chill爆餐廳你要識

餐廳：A.O.M (西環) 地址：西環西營盤第二街32號地舖 之前嚟過西營盤第二街呢間西日式Fusion餐廳A.O.M @a.o.m 食Dinner🍽，原來唔經唔覺已經開咗半年，雖然環境唔喺好大，座位亦都唔喺好多，不過既Chill又relax嘅vibe真喺令人會想再嚟Encore，而今次我就約咗喺附近做嘢嘅朋友嚟食個Lunch😌 A.O.M有洋食Lunch Set同和食Combo Set可以揀，選擇唔算多，但每款食物都喺餐廳精選同最有特色嘅，洋食除咗一個主食之後仲包埋餐湯/沙律同飲品🍹，和食就有前菜、珍珠米/稻庭烏冬、4揀1小食同4揀2主食，追加無酒精飲品嘅話就可以按正價減$25 ✝️日式松葉蟹肉忌廉意粉 $148 用咗日式松葉蟹肉🦀、松葉蟹膏、蟹籽、加上少少忌廉打成蟹醬，另外仲有紫菜絲同蔥花點綴意粉🍝，蟹味鮮香唔腥，意粉Creamy得嚟唔會好油膩，不過以一個正常男仔食量嚟講就唔喺好夠飽😗。是日餐湯喺南瓜忌廉煙肉湯，自家打磨南瓜蓉🎃，另外煎香煙肉🥓，隔渣後混合埋一齊，既品嘗到南瓜嘅鮮甜又食到煙肉嘅鹹香 ✝️和食Combo Set $128 前菜有中華沙律，另外揀咗稻庭烏冬、明太子玉子燒、燒汁牛肉漢堡同蒲燒鰻魚(+$15)。牛肉漢堡幾厚身，入面混合咗日本豚肉，食落肉香味濃而彈牙惹味，不過如果喺全牛肉應該會更加吸引🤪；蒲燒鰻魚淋上鰻魚醬汁同芝麻，醬汁嘅味道唔會蓋過咗鰻魚嘅鮮香，不過鰻魚肉比較薄，連皮一齊食帶嚟煙韌嘅口感 飲品叫咗杯Latte(+$20)同Cappuccino(+$20)，食完嘢可以同朋友一邊慢慢嘆咖啡一邊傾偈都幾寫意☕️，仲有好多Signature Mocktail同Cocktail比你揀🍹，仲有一杯啱你飲🤓