打卡必去🥹太子日式裝修櫻花樹下嘅下午茶🌸

我係一個嚴重嘅打卡控📸 今日我就朋友一齊去咗呢一間🏮餓居 成日想去日本旅行/睇櫻花嘅朋友仔🌸 但係因為各種原因去唔到旅行？🧳 真心建議大家可以去呢一間餐廳 餐廳環境 一入門口已經見到個小鳥居⛩️ 再行入去就有好多日式嘅燈籠🏮 隔離仲有一棵大大嘅櫻花樹😱 櫻花樹隔離就係榻榻米🤎我今日就係坐喺呢個位置🤤 成個感覺真係好似去咗日本咁🥰 餐廳除咗環境可以比大家打卡之外 佢哋嘅食物都真係好有驚喜😳 首先我哋就叫咗餐廳推介嘅呢一個 ✨期間限定櫻花套餐🌸餓居の櫻花祭典🌸 需提前最少一日預訂 HKD$328 per person 🌸 櫻の蝦➖天婦羅大虎蝦 佢哋採用左蝦種裡最大隻之一嘅虎蝦 一夾起 真係超級大隻😲 啖啖肉之餘爽口彈牙 仲有沾上櫻之粉造成櫻花天婦羅 一開始我以為呢個係裝飾 但係原來都食得㗎🙈 🌸 花の麵➖花之素麵 粉紅色嘅素面🩷打卡好靚😍 冰凍嘅素麵配上淡淡柚子味嘅冷麵汁 加上蔥花,,芥末,,薑蓉一齊食,令味道更加豐富！ 🌸 祭の飲➖櫻花荔枝特飲 呢個櫻花特飲都係打卡一流💯 裏面加咗一啲荔枝果肉 驟眼睇好似一啲櫻花花瓣喺杯嘢飲入邊咁🫢 荔枝清新感覺 適中的甜酸味令人爽快😋 🌸 典の甜➖日系甜品櫻花水信玄餅 呢個甜品真係好似一個水晶球咁 外貌晶瑩剔透 上面有啲櫻花裝飾🌸 就咁睇 真係以為係一個櫻花標本😳 除咗期間限定嘅套餐之外 我哋仲嗌咗以下幾款嘢食🤤 🍙燒小御握 (飯團) 呢個燒飯團真係估佢唔到 只係用咗醬汁加白飯去做 都覺得好好味🙈 🍴燒水果卷物盛合.豚 呢一個卷物成合可以自由選擇牛同豬 我哋今次嗌咗豚肉🐖肉質好味 加埋水果更開胃~ 🍴月見免治雞肉棒 免治雞肉棒 配上雞蛋🍳值得一試💕 因為食物太出色 最後我哋加點左一個🐟鯖魚定食 因為我真係好鍾意食鯖魚🤤 一上菜已經香噴噴❤️定食配咗麵豉湯 呢個麵豉湯鹹度適中👍🏻好好飲 之後就到主角 鯖魚🐟肉質鮮甜美味 完全係我鍾意食嘅味道🥹 總括 呢一間餐廳除咗嘢食好味之外 重點係仲有好多個打卡位📸 想去日本 但係仲未可以出發嘅朋友 不妨嚟佢哋度試吓感受一下日本嘅美食同埋景色啦🪭 🏮餓居 📍太子砵蘭街440號地舖