🇭🇰| 尖沙咀-整合式韓國料理，一應俱全既韓國之旅

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 今晚黎到K11 Art Mall既The JANG，體驗一下整合式既韓國餐廳。 咩野叫整合式？平時大家係香港食韓國菜都分開唔同類型。有一般既韓式菜，粥，湯，拌飯，麵，韓燒，炸雞等等唔同元素既韓國料理。有冇諗過係一間餐廳就可以一次過食晒咁多款唔同韓食？ 無錯，The JANG就係整合左以上多款美食既韓式餐廳。由大家熟悉既Nene Chicken連鎖炸雞店既餐飲集團重新規劃。將旗下唔同韓國料理品牌重新凝聚成The JANG。 𝗪𝗛𝗔𝗧 𝗪𝗘 𝗢𝗥𝗗𝗘𝗥 ✨ 炸雞四重奏（8pcs）＄158 Nene就已經好出名既炸雞 炸雞四重奏就有招牌、韓式甜辣、白郡主、 蒜香醬油4款口味。 如果想食芝士仲可以揀＄258既芝海炸雞四重奏，不過＄158既炸雞四重奏cp價高出好多。 ✨ 炸醬麵180G＄82 大碗炸醬麵，味道好濃，但唔會太鹹。 可以話係我地係香港食過最好食既炸醬麵呀 ✨ Setoka （韓式橙汁梳打）＄68 韓式汽泡飲品一定要試一試， 因為真係有種儀式感 味道又夠甜，又有梳打既清爽，好味。 ✨ 辣炒小章魚 ＄148 香香辣辣既小章魚係好開胃既小菜 鍾意飲酒既朋友就一定啱啦 ✨ 他他醬生拌牛肉 ＄138 濃郁既蛋香配上口感滑嫩既生牛肉，再加上清甜既雪梨 生拌牛肉真係食韓國菜必叫之一 ✨ 海鮮嫩豆腐鍋（辣）（配白飯）＄98 經典中既經典，海鮮豆腐鍋 味道香濃，仲有辣同唔辣可以選擇 係好有心思 ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ The JANG - Pocha & Korean Cuisine 📍 尖沙咀河內道18號K11購物藝術館1樓107號舖