https://hk.trip.com/moments/detail/hong-kong-38-119658572/
Hello Noey

📍旺角|生猛海鮮鐵板燒🔥鮑魚的最後掙扎

最近花園街新開一間鐵板燒店連手搖飲品店,好奇心驅使下去望下個Menu,俾個鐵板燒👑皇牌套餐吸引咗,就決定一試。 入內都尚算光猛,有三張大鐵板燒檯可以俾客人就座用餐,近距離欣賞廚師喺你面前烹調鐵板燒。 皇牌套餐包括🥗前菜、沙律、時蔬、麵豉湯同飯,仲有南非鮑魚、大蝦、帶子/三文魚/魷魚(任揀一款)同一款自選牛。👧🏽就揀咗帶子同美國牛肉薄燒,而食肉獸👦🏻就揀咗貴啲嘅澳洲和牛厚燒。 兩隻南非鮑魚仲喺度蠕動緊😳真係極!度!新!鮮!👧🏽影完靚相打完卡之後,廚師就準備烹調。廚師將蝦頭取出放到鐵板邊緣慢煎,隨後侍應就上咗開胃前菜漬物同沙律俾客人。 廚師首先煮🌶️紅椒、翠肉瓜、粟米芯,十分清甜,蘑菇亦都唔會煮得太乾。同時間廚師亦將大大隻南非鮑魚上鐵板,純熟去殼再烹煮🦪新鮮嘅鮑魚遇熱不斷蠕動同收縮,視覺十分震撼,最後加上少許鹽同胡椒調味就變咗我哋嘅桌上佳餚了。廚師烹煮鮑魚嘅時間掌控得唔錯,唔會過熟,十分彈牙同鮮味🤤 跟住落鑊嘅係原隻帶子同魷魚,簡單用🧈牛油、鹽同胡椒調味煎煮,已經十分香口。而較早嘅煎🦐蝦頭有濃濃嘅蝦膏,膽固醇爆標不二之選。大蝦就用上秘製醬汁汁煮,除咗同帶子魷魚一樣彈牙以外,仲多咗份濃濃鹹香😛不過以上嘅海鮮喺視覺上嘅享受就較鮑魚遜色了。 到食肉獸👦🏻最鍾意嘅牛牛Time了。大大片美國牛肉薄燒,除咗品嚐到本身牛香,中間加上香蔥同蒜片🧄,增加口感之外,亦減低咗油膩感。而厚燒嘅澳洲和牛,廚師會問客人想要嘅熟度,Order咗生少少,出嚟嘅效果十分Juicy💦,牛味亦濃郁,厚厚肉嘅口感相比起薄燒牛更為滿足。 食完肉,抖一抖,廚師就準備另一輪主食了。侍應奉上一小碟漬物同麵豉湯🍲打開麵豉湯碗蓋,香味隨即溢出,加上嫩滑嘅豆腐同爽脆嘅昆布,令👦🏻覺得驚艷。而廚師炒出大大碗嘅炒飯,用上牛肉、香蔥同配菜炒成,就算係男士亦都一定夠飽。 套餐就可以半價加配飲品 👧🏽 揀咗檸檬寒天清茶,寒天有咬口,茶底配埋檸檬,微酸而不會過甜,味道不俗。而 👦🏻 就有點後悔揀咗喳咋瀑布,原因係因為好好味太足料!好似飲咗一大碗糖水落肚🧋,加埋呢餐鐵板燒,飽到有啲飽上心口。 最後再點一份甜品多士🍞廚師用鐵剷將溶咗嘅牛油淋上方包,再加上砂糖反轉再煎❤️吸收咗牛油同砂糖嘅方包轉眼變香脆甜多士,滿足👧🏽嘅甜品胃,👦🏻亦正式飽到投降。 王牌套餐最平$368就可以食到海鮮同牛,加上廚師即席喺面前烹調嘅場面,呢一餐嘅性價比不俗,適合鍾意嚐鮮打卡嘅朋友仔一試✨ 𝑴𝑲𝑻 - 𝑴𝒐𝒏𝒈 𝑲𝒐𝒌 𝑻𝒆𝒑𝒑𝒂𝒏𝒚𝒂𝒌𝒊 🍴 旺角花園街3-5號鴻威大廈地下4-5號舖 💰 平均消費 𝗛𝗞𝗗𝟰𝟲𝟱 💓 南非鮑魚 魷魚 澳洲和牛厚燒 𝖳𝖺𝗌𝗍𝖾 ♥︎♥︎♥︎♥︎♡ 𝖲𝖾𝗋𝗏𝗂𝖼𝖾 ♥︎♥︎♥︎♥︎♥︎ 𝖣𝖾𝖼𝗈𝗋 ♥︎♥︎♥︎♥︎♥︎ 𝖧𝗒𝗀𝗂𝖾𝗇 ♥︎♥︎♥︎♥︎♥︎ 𝖢 / 𝖯 ♥︎♥︎♥︎♥︎♡ #foodphotography #鐵板燒 #旺角美食 #南非鮑魚
發佈日期:2023年9月26日
Hello Noey
1人讚好
提交
1
曾在此貼文中提及

旺角

4.2/560條評價
香港
查看
展示更多
相關 Trip Moments 貼文
旺角
旺角鬧市戶外花園聖誕限定lunch set!
聖誕好去處
週末好去處
Manda.C
旺角
《砵蘭街惹味香鍋》
美食
美食推介
JJLeung
旺角
旺角
平價兩小時任食大閘蟹套餐
報名酒店試睡員
大閘蟹放題
小市民四處吃
旺角
型格餐廳酒吧🍹手工墨西哥料理🇲🇽
hkfoodlover西式
hkfoodlover荃灣綫
foodiehkfoodlover
旺角
再次回訪🙌🏻今次增添越南風味菜式
我的美食日常
香港探店
Foodie玩樂食遍香港