冬天食碗暖身麵-「🍲KIKI麵」

鍾意飲KIKI茶嘅你，又點會冇食過KIKI麵呢？ KIKI麵經常都會轉時令菜單，今次就帶比大家「❄️ 冬日滋味套餐」 包括2選1前菜丶4選1麵食及窩心朱古力特調飲品～ - 「🐤雞絲素翅高湯麵」 高湯超濃郁，仲好有膠質嘅感覺～ 據聞以火腿丶上肉及老雞熬煮六個鐘而成～ 所以先做到呢種咁濃郁鮮味嘅湯底～ 雞絲嫩滑，冬菇肥彈，素翅彈牙，配埋麵食～ 一啖湯一啖麵，全部都好夾，感覺特別暖身滋潤❤️ 「🐽豚肉帆立貝胡椒湯麵」 呢款應該係人氣之選👑見到都好多人叫～ 個胡椒湯底好易入口，有辛香味但唔太辣👍🏻 帆立貝同豚肉入曬味之餘亦都有咬口～ 微辛下輕鬆食曬成碗麵，暖胃又驅寒🔥 「🐷蒜泥白肉」 白肉切得夠薄，肥得嚟又唔油膩～ KiKi品牌秘製嘅蒜泥汁醬，帶酸唔會太鹹太辣～ 反而達到開胃嘅效果😋😋 我覺得呢個醬汁真係好得，應該配咩都咁夾👍🏻 「🍫KiKi特調暖心朱古力配黑糖珍珠」 越凍越想飲杯暖笠笠朱古力～ 佢口感細滑，珍珠都好煙韌～ 不過我就略嫌佢甜左啲🤏🏻 我自己都係比較鍾意特濃口味😛 KiKi麵店 (K11 Musea) (尖沙咀) 📍尖沙咀梳士巴利道18號K11 Musea 4樓406號舖 #駐站作家 #本地遊 #foodie #冬日幸福感美食