距離深圳灣口岸只要半個鐘！元朗區公園遊記

今次同大家介紹元朗區公園賞花季，內地人要去元朗十分方便，可於深圳灣口岸搭乘巴士或於落馬洲口岸搭乘巴士，再喺元朗公園站落車就到，全程30分鐘都唔駛，仲快過坐東鐵出去港島市，難怪每日都有咁多來自內地的旅客去元朗購置生活用品。 😃 提起元朗大家都知大棠紅葉有幾出名，但係其實呢區都有唔少值得打卡的賞花景點架！ 元朗公園相信唔少人都有去過，每逢春天，園內的杜鵑花都會盛放，其中最靚應該就係近御豪山莊巴士站的呢片花圃，杜鵑花沿住斜坡盛開，睇落就似一片繽紛的花牆。 馬田路一帶近年發展為區內的文娛康樂區，除左元朗泳池、元朗劇院呢D固有建築外，近年亦新落成左元朗新圖書館及元朗體育館。同時政府亦將附近空地重新規劃並命名為朗藝徑及於此種植了數十棵風鈴木。每當春天粉紅色的風鈴木花開時，唔講唔知真係幾似櫻花！ 元朗廣場附近有幾個小型休憩公園，公園裏面種左唔少開花植物，例如簕杜鵑、木棉花、鳳凰木等，到左開花季節時，往往都會綻放成一片花海。有機會去開的話，不妨去欣賞下。