傳統粉麵配特製雞白湯可以飲哂嘅湯底，午市下午茶之選

平時搵食都比較鍾意搵小店，感覺上好似比較有heart 啲，唔會太公式化. 今次食嘅係位於銅鑼灣登龍街嘅麵家. 主打自家製港式粉麵，聽講啲牛腩係自己炆同雲吞都係自己包. 至於招牌雞白湯就熬至少8個鐘，用上大量雞骨雞殼雞肉去熬製，真係真材實料，真係少啲heart都做唔到. 咩都有麵🍜 依個麵真係啱晒我依啲貪心乜都想試吓嘅人，因為佢真係咩都有啲，有雲吞、墨丸、牛丸、魚蛋、牛腩及貢丸，麵都有幾款可以揀，我選了河粉配招牌雞白湯，湯底雞味出，唔會過濃過重口味，清而不淡，色澤出，一啖湯一啖河粉咁食幾正.河粉柔軟滑身，厚薄適中，牛腩有別於傳統粉麵店嘅外型，佢係比較薄身，肥瘦均勻，唔會炆到鞋口，牛丸貢丸墨丸爽口彈牙. 招牌櫻花蝦雲吞魚蛋撈麵 撈麵汁可以選腩汁或蠔油，我選咗腩汁，另外湯就選配招牌大地魚雞白湯大地魚味比較出，比單純雞白湯濃郁，這個湯底配雲吞幾夾，雲吞大大粒，咬開成隻蝦喺裏面，用料十足，皮薄餡靚. 魚蛋口感柔滑鮮味出，麵底加咗錢要蝦籽麵，灑上蝦籽，彈牙香口.一問之下，原來係出自老字號永樂粉麵廠，而河粉就係來自出名河粉嘅另一老字號雙喜，果然選料上有花過心思絕不馬虎. 另外叫咗豆漿同時令油菜，蔬菜新鮮翠綠. 至於環境方面裝修得幾靚，乾淨企理, 環境理想，有別於傳統粉麵店的裝修格局，睇得出裝修上花咗心思. 整體來講不錯，值得支持用心經營的小店. 麵家 地址：銅鑼灣登龍街18號Vpoint 地下3號舖 #小店#登龍街#銅鑼灣#雲吞##麵家#蝦籽麵#銅鑼灣美食