Poking📍Causeway Bay

#市內一日遊 同朋友跳完舞出左身汗～ 鬼死咁肚餓～洗完白白馬上去醫肚 今次食番d健康野唔好浪費當日既quota 餐廳好貼心餐牌已經標注每碗係幾多卡路里 而且食材多元化唔會剩係得雞胸咁悶 朋友揀左 E. Spicy Ahi Tuna $123 沙律菜底、少醬汁（原辣醬汁），熱檸水走甜 用料豐富：除左主角吞拿魚、枝豆、紫洋蔥、新鮮芒果、芝麻、指天椒碎 吞拿魚一口一件，夠新鮮，份量都幾大 搭配多汁芒果出奇地夾，沙律菜非常澎湃 我就叫左呢碗淨化心靈 G. Refresh Your Mind $229 糙米少飯、少醬（芥末乳酪醬） 加左期間限定既刺身帶子 🦐鮮蝦、新鮮菠蘿、青瓜、枝豆、蔥花、芝麻 鮮蝦已經剝好，肉質緊實，菠蘿粒清甜多汁，青瓜爽脆 同糙米可以話係perfect match 刺身帶子都幾有驚喜，肥美鮮甜口感軟糯 加配小食： 🥑牛油果軟豆腐 牛油果份量都唔少～ 面頭有大量木魚絲 豆腐豆味香濃 醬汁係胡麻醬 我都食過唔少夏威夷波奇飯 多數都係得奶昔飲 無諗過會有酒飲🤩啱晒我呢d酒鬼 見佢做緊優惠揀左有氣清酒 清酒同梅酒都係我既最愛 有氣清酒第一次飲 清爽既氣泡好似降低左濃郁既濃味 幾特別～要bookmark 店鋪光猛裝修都幾有心思，有打卡位 地方比想像中大除左近門口位置 行入d仲有呢～ 店員都好nice有推介食品 啱晒keep fit緊既你你你～