烏蠅館冒菜👍🏻

烏蠅館最近搬咗新舖位，店內有多個卡座，坐得都幾舒服，今次二人行點咗兩碗冒菜 🍜冒菜B餐（任選6款配菜） 肥牛、黑豚肉、鴨血、風琴豆腐串、蘿蔔片、娃娃菜，再加香菇貢丸，超多配料好豐富，麻辣揀咗小辣，越食越辣，番薯粉有口感，煙煙韌韌幾有咬口！跟餐價點咗檸檬百香果QQ，可以揀三款料，味道清新又解辣 🍜冒菜B餐（任選6款配菜） 呢碗都係叫6個餸，雞肉、牛筋 、風琴豆腐串 、海帶苗 、萵筍、貢菜，揀咗藤椒湯，香麻而不辣，幾惹味! 火鍋寬粉較番薯粉闊身啲，同樣煙韌有咬口！飲品揀桂花寒天綠茶 點多2個小食，薑汁豆皮芽同牛肉蘿蔔餃，隻餃沾滿紅油超惹味，有4隻咁多！紅糖糍粑中間夾住黑糖，口感酥脆軟糯，好食 🍴烏蠅館 📍將軍澳寶琳欣景路8號新都城中心二期2樓2024-2027號舖 #聖誕好去處2024